ზიდანის პრესკონფერენცია „ატლეტიკოსთან“ დერბის წინ
ზინედინ ზიდანმა მადრიდული დერბის წინ პრესკონფერენცია გამართა...
„ეს განსაკუთრებული თამაშია. ჩვენ ხომ მადრიდულ დერბიზე ვსაუბრობთ. დარწმუნებული ვარ, ქომაგებისგან დიდი მხარდაჭერა გვექნება. ბერნაბეუს ფაქტორი ბევრ რამეს გადაწყვეტს.“
„ყველა უნდა მოემზადოს და მაქსიმუმი გააკეთოს სასურველ კონდიციამდე მისასვლელად. 25 ფეხბურთელი მყავს, მათ შორის არიან ბეილი, ბრაჰიმი და ვინიციუს ჟუნიორი. ნებისმიერ ეტაპზე ისინი მზად უნდა იყვნენ.“
„სულ მალე ვარჯიში დაიწყება და საბოლოო დარიგებებს მივცემ ფეხბურთელებს. ნამდვილად ვერ გეტყვით სასტარტო შემადგენლობას, ვინაიდან ჯერ ფორმირების პროცესში ვარ.“
„განაცხადის შერჩევა ყოველთვის რთულია, თუმცა ვცდილობ ვარჯიშების მიხედვით მივიღო გადაწყვეტილება. ყოველთვის რთულია საერთო აზრზე შეჯერება, ვინაიდან მე მყავს მსოფლიო საუკეთესო ფეხბურთელების დიდი არმია.“
„„რეალს“ ყოველთვის საუკეთესო ფეხბურთელები ჰყავს, ვერ ვიტყვი გუნდი ახლა უფრო კარგია, თუ პირველ ეტაპზე.“
„7-3 მარცხი? ის ხომ პრე-სეზონი იყო, მას შემდეგ „ატლეტიკოს“ რამდენჯერმე შევხვდით, ხვალ კი ძალიან მნიშვნელოვანი თამაში გვაქვს ჩასატარებელი.“
„20 თამაში წაგების გარეშე დიდ სიხარულს მგვრის, მაგრამ მთავარი ის არის, რომ მომავალზე ვიფიქროთ. დიახ, ჩვენ აქამდე მოვედით, რაც ბევრი მუშაობიდან და შემართებიდან გამომდინარეობს.“
„მენდი სამეფო კლუბს ბრწყინვალედ მოერგო. მიხარია, რომ ფერლანი ჩვენთან არის, მე მას საფრანგეთის ლიგიდან კარგად ვიცნობდი და ზუსტად ვიცი, რა შეუძლია განაპირა მცველს.“
„აზარი გუნდთან ერთად ვარჯიშობს და ეს ნამდვილად პოზიტიური ამბავია. ედენი იქამდე არ გავა მოედანზე, სანამ რისკი იარსებებს, არ მსურს, რომ რამდენიმე დღის გამო პრობლემები შემექმნას.“
„ბეილის გაშვება? ახლა ამაზე ნამდვილად არ ვფიქრობ, უელსელი ჩვენთან არის.“
„დიახ, სიმეონეს აკრიტიკებენ, მაგრამ ეს ბუნებრივი მოვლენაა, „ატლეტიკოსგან“ ყველა მაქსიმუმს ითხოვს. ფეხბურთის არგენტინელმა სპეციალისტმა არაერთხელ დაამტკიცა, რა შეუძლია, მას მსოფლიოში ერთ-ერთ საუკეთესო მწვრთნელად მივიჩნევ.“
„დაცვითი ფუნქციების გაუმჯობესებაზე ბევრი ვიმუშავეთ, რადგან ვთვლი, რომ ეს მნიშვნელოვანი კომპონენტია. წინ არაერთი რთული მატჩი გველის და ვისურვებდი, რომ უკანა ხაზი მოწოდების სიმაღლეზე იდგეს.“
- 31 იანვარი 2020
- 7439
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
