მარსელოს შეძენა „პსჟ“-ს სურს
მარსელო ვიეირასთან დაკავშირებით მოულოდნელი ინფორმაციები ვრცელდება...
რამდენიმე ესპანური გამოცემის ინფორმაციით, „რეალის“ ვიცე-კაპიტანის წაყვანა „პსჟ“-ს სურს და მზად არის, ფეხბურთელს ძალიან საინტერესო კონტრაქტი შესთავაზოს.
ესპანელი ჟურნალისტი, ედუარდო ინდა აცხადებს, რომ მარსელოს მჭიდრო კავშირი აქვს ნეიმართან, მარკინიოსთან და ტიაგო სილვასთან, რომლებიც მას პარიზში გადასვლას ურჩევენ.
გასული სეზონიდან მოყოლებული განაპირა მცველის კარიერა უკან-უკან მიდის. შარშან მარსელოს ლოპეტეგი და სოლარი არ ენდობოდა, თუმცა ზიზუს დაბრუნების შემდეგ ვითარება გამოსწორდა, მაგრამ წელს გუნდში ფერლან მენდის მოსვლამ სიტუაცია კვლავ გაართულა. ფრანგმა ფეხბურთელმა მარსელოს სერიოზული კონკურენცია გაუწია და გაცილებით ხშირად სჩანს მოედანზე, ვიდრე ვიცე-კაპიტანი.
ფინანსურ დეტალებთან დაკავშირებით ჯერ-ჯერობით არაფერი ხმაურდება.
- 28 იანვარი 2020
- 4956
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
