გაგო: ბედნიერი ვარ დღევანდელი სიტუაციით
"ბლანკოსის" არგენტინელმა ნახევარმცველმა, ფერნანდო გაგომ განაცხადა, რომ ბედნიერია დღევანდელი მდგომარეობით. როგორც იქნა მან შეძლო მანუელ პელეგრინის ნდობის მოპოვება და ძირითად შემადგენლობაში ადგილის დამკვიდრება.
"ბედნიერი ვარ, რომ მოვახერხე მთავარი მწვრთნელის ნდობის მოპოვება. მთელი სეზონის მანძილზე ვცდილობდი ჩემი ძალების დამტკიცებას და სეზონის დასკვნით ნაწილში მანუელმა ნდობა გამომიცხადა, რაც ძალიან მახარებს."
"ვგონებ, თამაშიდან თამაშამდე უკეთესობისკენ წავალ. მე ამაყი ვარ იმით, რომ სამეფო კლუბის მაისური მაცვია. რეალი ერთ მუშტად შეკრული და შესანიშნავი ფეხბურთელებით დაკომპლექტებული გუნდია, რომელსაც შეუძლია პრიმერა დივიზიონის მოგება."
"დიდი იმედი მაქვს იმისა, რომ დიეგო არმანდო მარადონა ნდობას გამომიცხადებს და მუნდიალზე გამგზავრების საშუალებას მომცემს. მსოფლიო ჩემპიონატზე კიდევ ერთხელ ვეცდები ჩემი ძალების გამომჟღავნებას."
- 4 მაი 2010
- 1536
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
