ზიდანი:„შემადგნელობაში რამდენიმე ცვლილება იქნება“
„ბრიუგესთან“ მატჩის წინ ზინედინ ზიდანმა პრესკონფერენცია გამართა...
„ჩემპიონთა ლიგის ყველა მატჩი „რეალისთვის“ მნიშვნელოვანია. ჩვენ გვსურს, რომ მოედანზე მაღალი ხარისხის თამაში ვაჩვენოთ, მეტი არაფერი.“
„„ელ კლასიკო“? ამაზე ახლა არ ვფიქრობთ, ერთადერთი საზრუნავი ჯგუფური ეტაპის წარმატებით დასრულებაა.“
„აზარმა მოთმინება უნდა გამოიჩინოს. იმედი მაქვს, ბელგიელს ოპერაცია არ დასჭირდება, ის ჩვენს კოლექტივში უმნიშვნელოვანეს როლს ასრულებს. ძალიან მსურს, რომ ედენი მალე დაბრუნდეს.“
„„ელ კლასიკოს“ უსაფრთხოება. ამ მიმართულებით მე არ ვარ კომპეტენტური. ერთადერთი რისი გაკონტროლებაც შემიძლია, ჩემი გუნდია. მსგავს საკითხებზე სხვებს უნდა მიმართოთ.“
„შიში? არასდროს მიგვრძნია შიში სტადიონზე. „ნოუ კამპზე“ თამაში რთულია, მაგრამ ამ გრძნობაზე საუბარი ზედმეტია.“
„კაზემირო ძალიან მნიშვნელოვანი მოთამაშეა, მაგრამ ბრაზილიელის გარდა არაერთი ფიგურა გვყავს, რომელიც უდიდეს საჭიროებას წარმოადგენს.“
„ჩემპიონთა ლიგის მატჩის უმოტივაციოდ ჩატარება გამორიცხულია. „ბრიუგეს“ საოცარი შემართება ექნება, ვინაიდან ამ გუნდის მიზანი ევროპალიგაზე გადანაცვლებაა, ამიტომ დიდ წინააღმდეგობას ველით, თუმცა ჩვენი მიზანი 3 ქულა იქნება.“
„ბენზემას ამბიციები რაულის შედეგების გაუმჯობესებასთან დაკავშირებით? კარიმი დიდი ფორვარდია და ვნახოთ, როგორ განვითარდება მოვლენები. ფაქტია, რომ წინახაზელი მიმდინარე სეზონში ძალიან ეფექტურია.“
„დიახ, ცვლილებები აუცილებლად იქნება. ჩვენ შანსს მივცემთ იმ მოთამაშეებს, რომლებიც მოედანზე შედარებით ნაკლებად სჩანან. „რეალი“ საკუთარ სახეს არ დაკარგავს, ჩვენ ისეთი ფეხბურთის ჩვენებას ვაპირებთ, როგორიც შეგვშვენის.“
„სასურველი მეტოქე 1/8 ფინალში? ამაზე საუბარი ჯერ ადრეა, თუმცა შემიძლია არასასურველი მოწინააღმდეგე დაგისახელოთ. არ მსურს, რომ „ლივერპულს“ შევხვდეთ. რატომ? იმიტომ, რომ კლოპის გუნდი საოცარ ფორმაშია და ყველაზე დიდ წინააღმდეგობას გაგვიწევს.“
- 10 დეკემბერი 2019
- 6269
- 44
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
