ზიდანი:„მოდრიჩმა იცის, რომ სათადარიგოთა სკამზე ჯდომა პრობლემა არ არის“
ზიდანმა „ესპანიოლთან“ მატჩის შემდეგ პრესკონფერენცია გამართა...
„ძალიან სერიოზული გუნდის წინააღმდეგ ვიასპარეზეთ და მნიშვნელოვანი გამარჯვება დავაფიქსირეთ. ეს არის ერთ-ერთი შემადგენელი კომპონენტი იმ გზისა, რომელზეც ახლა ვდგავართ. სამეფო კლუბის მიზანი ჩემპიონობისთვის იბრძვის, ამიტომ ბოლომდე უნდა ვიბრძოლოთ და ყველა მატჩზე გავამახვილოთ ყურადღება. არ შემიძლია, რომ კმაყოფილი არ ვიყო, ჩემმა გუნდმა მისია შეასრულა.“
„„ესპანიოლის“ პოზიცია არ ასახავს გუნდის რეალურ ძალას, რაც ბერნაბეუზეც დამტკიცდა. მეორე ტაიმის პირველ ნახევარში კატალონიური კლუბი მოწოდების სიმაღლეზე იდგა, მაგრამ შემდეგ ყველაფერი შევცვალეთ და როგორც უკვე აღვნიშნე, მნიშვნელოვანი 3 ქულა ჩავიწერეთ აქტივში.“
„ხაზს ვუსვამ ვინიციუს ჟუნიორის კარგ თამაშს. ბედნიერი ვარ, რომ ბრაზილიელმა შეტევა ძალიან ბევრჯერ გაამწვავა და გუნდის გამარჯვებაში დიდი წვლილი შეიტანა. ახალგაზრდა ბრაზილიელს დიდი მომავალი აქვს, მან მუშაობა უნდა განაგრძოს და აუცილებლად მივა იმ დონემდე, რომელზეც ოცნებობს.“
„ვინისთვის გოლის გატანა არავის დაუვალებია. მთავარი კოლექტიური შედეგია და არა ინდივიდუალური. არც ვარანისთვის დამივალებია გოლის გატანა, მაგრამ ფაქტია, რომ ფრანგმა მნიშვნელოვანი წვლილი შეიტანა გამარჯვებაში.“
„ვალვერდე ეფექტურია, როგორც ბურთით, ასევე ბურთის გარეშე. ურუგვაელი ფეხბურთელი მრავალი წელია აქ არის და დარწმუნებული ვარ, კიდევ დიდი ხნით დაიცავს „მერენგების“ ღირსებას. ჩვენ ვსაუბრობთ ძალიან დიდი მასშტაბის ფეხბურთელზე, რომელსაც საოცარი შესაძლებლობები აქვს. ფედერიკო მიმდინარე სეზონში ბევრს თამაშობს.ამ ეტაპზე 3 დღეში ერთხელ გვიწევს მატჩების გამართვა და ვალვერდეც ხშირად მიიღებს შანსს.“
„კაზემიროს 4 ყვითელი ბარათი აქვს, მან „ვალენსიასთან“ გაფრთხილება არ უნდა მიიღოს და მაქსიმალური სიფრთხილე გამოიჩინოს. ჩვენ ზუსტად ვიცით, რამხელა ძალას წარმოადგენს ბრაზილიელი გუნდისთვის და რამდენად დიდია მისი საჭიროება „ელ კლასიკოში“.“
„მოდრიჩი ფიზიკური თვალსაზრისით მოწოდების სიმაღლეზე დგას, მას დიდი დატვირთვის მიღებაც შეუძლია, მაგრამ არსებობს როტაციის რესურსი და რატომ არ უნდა მივმართო ცვლილებებს? ხორვატმა კარგად იცის, რამხელა ძალაა გუნდისთვის, მაგრამ ასაკიდან გამომდინარე, ხანდახან სათადარიგოთა სკამზე ჯდომა მისთვის არანაირ პრობლემას არ წარმოდგენს. ლუკა უდიდესი ძალაა.“
„ბრწყინვალე გუნდი მყავს, რომელსაც ვენდობი და ვთვლი, რომ ყველა ტიტულის მოგებაა შესაძლებელი.“
„ბეილმა სანტიაგო ბერნაბეუ ადრე დატოვა? ეს ინფორმაცია ჯერ-ჯერობით არ მაქვს. უელსელ ფებხურთელს ჩემთან მოსვლა და ახსნა-განმარტებების მოცემა მოუწევს. არავის ვპატიობ ისეთ საქციელს, რომელიც არ გვეკადრება. არ ვფიქრობ, რომ მას რამე უფრო მნიშვნელოვანი საქმე ჰქონდა.“
- 8 დეკემბერი 2019
- 6693
- 42
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
