დღეს მადრიდის რეალი გაილაშქრებს ადგილობრივი ტორონტოს წინააღმდეგ. 100 წლიანი ისტორიის განმავლობაში ეს პირველი მადრიდული შეხვედრა იქნება ჩრდილოეთ ამერიკის თანამედროვე საფეხბურთო კლუბთან. ტორონტოს გულშემატკივრები დიდი ინტერესით ელიან მადრიდის რეალის ხილვას, მაშინ როცა , მადრიდის რეალის ფანებს სურთ, რომ რაც შეიძლება მალე იხილონ კაკას, ალონსოს, არბელოას და ალბიოლის მადრიდისტული დებიუტი.

BMO–ს მოედანი შეიძლება გახდეს უშუალო თვითმხილველი იმ ფაქტისა, რასაც ქვია ზემოთ ჩამოთვლილი ფეხბურთელების დებიუტი თეთრების შემადგენლობაში. ოთხივე მათგანმა კარგად ივარჯიშა და პელეგრინმა კი დაარწმუნა გულშემატკივრები, რომ თუ არა ოთხივე, ორი მაინც აუცილებლად დაიწყებს თამაშს სასტარტო შემადგენლობიდან.

შესაძლებელია, რომ დღეს მადრიდის რეალის კარში იკერ კასილასი დაბრუნდეს, რომელიც ერთი კვირის წინ ჩამოვიდა შვებულებიდან. სერხიო რამოსი, რომელიც ასევე შვებულებაში იყო და წინა კვირას დაბრუნდა, მადრიდში დარჩა და იქ გადის სამედიცინო მკურნალობას.

წყარო: realmadrid.com