კაზემირო:„მატჩზე სრული კონტროლი გვქონდა“
კაზემირომ „ლეგანესთან“ მატჩი შეაფასა...
„მთელი მატჩის განმავლობაში ჩვენი დომინირება შეიმჩნეოდა, აბსოლუტური კონტროლი გვქონდა და შედეგიც სახეზეა. მეტოქე ცდილობდა მჭიდროდ ეთამაშა და სივრცეები ჩაეკეტა, მაგრამ „რეალის“ ტემპს ვერ გაუძლო.“
„როდრიგოზე დიდი ზეწოლა არ შეიძლება, ის 18 წლის ბავშვია. ფაქტია, რომ ბრაზილიელი საოცარ პროგრესს აჩვენებს და ასე უნდა გააგრძელოს.“
„როდრიგომ კარგად იცის თამაშის წაკითხვა, ბრწყინვალედ ფლობს ბურთს, გამოირჩება სიზუსტითა და ტექნიკით, რაც მას ძალიან ძლიერს ხდის. პერსპექტივა ნამდვილად არსებობს და ვისურვებდი, რომ ის „ბლანკოსის“ შეუცვლელი წევრი გახდეს.“
„ვინიციუსი და გოეში მეგობრები არიან. მჯერა, რომ მოვა დრო, როდესაც ორივე მოთამაშე „ბლანკოსისთვის“ ერთად შეუტევს.“
„პენალტების შესრულება? ამას მწვრთნელი წყვეტს. არსებობს სია, რომლის მიხედვითაც, სრულდება პენალტები.“
„ბეილის ლონდონში ვიზიტი? ზიდანმა პრესკონფერენციაზე განაცხადა, რომ უელსელს ესპანეთის დატოვების ნებართვა ჰქონდა, ამით ყველაფერი ნათქვამია.“
- 31 ოქტომბერი 2019
- 1127
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
