მადრიდის „რეალის“ ახალწვეულები ამ სეზონში ვერ არიან ისეთი შედეგიანები, როგორებიც გასულ კამპანიაში იყვნენ.

სერბი ფორვარდი, ლუკა იოვიჩი „სამეფო კლუბმა“ „აინტრახტიდან“ 60 მლნ ევროდ შეიძინა, სადაც მან გასულ სეზონში 27 გოლი გაიტანა. თუმცა, „რეალში“ გადასვლის შემდეგ, 21 წლის ფორვარდმა 12 მატჩი ჩაატარა და უკვე 900 უგოლო წუთი დაუგროვდა.

არანაკლებად ცუდი სტატისტიკა აქვს აზარსაც, რომელმაც გასული კამპანია 18 გოლით დაასრულა, წელს კი, ოქტომბრის ბოლოს, მხოლოდ ერთი გოლი აქვს გატანილი - „გრანადასთან“ „სანტიაგო ბერნაბეუზე“.

შესაბამისად, ორივე ვარსკვლავურმა შემტევმა გასული სეზონი 55 გატანილი გოლით დაასრულა, სეზონის ამ ეტაპზე კი მათ უკვე 20 გოლი ჰქონდათ გატანილი. წელს, ამ გრაფაში მხოლოდ ერთიანი წერია.