ზიდანი:„დღეს ყველა ჩემს წასვლაზე საუბრობს, მე კი სამუდამოდ დარჩენა მსურს“
ზინედინ ზიდანმა „გალათასარაისთან“ მატჩის წინ პრესკონფერენცია გამართა...
„ხვალ არის მატჩი, რომელიც ბევრ რამეს გადაწყვეტს. სატურნირო ცხრილში ცუდი მდგომარეობა გვაქვს და 3 ქულა გვესაჭიროება, სხვა შემთხვევაში სიტუაცია ძალიან გართულდება.“
„ჩემს გადადგომაზე ბევრს საუბრობენ, მაგრამ არსად წასვლას არ ვგეგმავ. ყურადღება მხოლოდ სტამბულში გამარჯვებაზე მაქვს გადატანილი. აქ 3 ქულის მოპოვება ჯგუფში ყველაფერს შეცვლის, აქედან გამომდინარე, მაქსიმუმს გავიღებ. საკმაოდ დიდ გამოცდილებას ვფლობ და არაერთი რთული სიტუაციიდან გამოვსულვარ, მე ვიცი რა სჭირდება გუნდს და უნდა ვეცადოთ, რომ ყველაფერი გამოგვივიდეს.“
„ფეხბურთელობის პერიოდშიც ბევრჯერ აღვმოჩენილვარ კრიტიკის ქარ-ცეცხლში, მაგრამ ეტაპობრივად ყველაფერი მოგვარებულა.“
„კარგ სტადიონზე კარგი თამაში უნდა გავმართოთ. არ დავიწყებ იმაზე ლაპარაკს, რაც „ბლანკოსთან“ ერთად წინა წლებში გავატარე. ქომაგები აწმყოთი ცხოვრობენ, დანარჩენი კი ისტორია და ციფრებია.“
„„რეალთან“ სამუდამო კონტრაქტსაც კი მოვაწერდი ხელს, რადგან ეს კლუბი ძალიან მიყვარს. წასვლა? მხოლოდ იმ შემთხვევაში წავალ, თუ ჯგუფში ჩავრჩებით, მაგრამ მე მყავს ფეხბურთელები, რომლებიც სიტუაციას გამოსწორებენ.“
„თითოეულ წუთს მნიშვნელობა ექნება, ეს მადრიდია, ამ გუნდს ყოველთვის მოგებას სთხოვენ. ვეცდებით, რომ 3 ქულა ჩავიწეროთ აქტივში, ფეხბურთელების ამოცანა მხოლოდ გამარჯვება იქნება.“
„აზარი, კურტუა, ვინიციუსი? ეს არის გუნდი და კრიტიკას ერთად ვიღებთ, ისევე როგორც შექებას.“
„ფეხბურთელებზე ცუდად მოქმედებს ის გარემოება, როდესაც ყველგან კითხულობენ, რომ მადრიდში მწვრთნელი იცვლება. მე ამას ყურადღებას არ ვაქცევ, ვცდილობ სიმშვიდე შევინარჩუნო და მუშაობა განვაგრძო.“
„თუ ძლიერი ხარ, რთული პერიოდები უნდა გადალახო. სიმართლე გითხრათ, მომწონს სირთულეები და გამოწვევების მიღება. ბევრი რამის დამტკიცებას ვაპირებ.“
- 22 ოქტომბერი 2019
- 7563
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
