ზიდანი:„„რეალი“ გამარჯვებას იმსახურებდა, ბრძოლა გრძელდება“
ზინედინ ზიდანმა „ატლეტიკოსთან“ ნულოვანი ყაიმის შემდეგ პრესკონფერენცია გამართა...
„ჩვენ ერთ ქულაზე მეტს ვიმსახურებდით, ვინაიდან უპირატესობას ვფლობდით და მომენტებიც შევქმენით, თუმცა არაუშავს. მსურს, მივულოცო ყველა ფეხბურთელს, რომელიც მოედანზე იყო, მათ შესანიშნავად იასპარეზეს.“
„„ატლეტიკო“ დაცვაზე იყო ორიენტირებული, ჩვენ კი შეტევაზე. როდესაც ანგარიში 0-0 არის, აუცილებლად უნდა გარისკო. საბოლოო ჯამში შედეგს ვერ მივაღწიეთ, მაგრამ ბრძოლა გრძელდება.“
„აზარმა კარგად ითამაშა და აქტიურობას ცდილობდა, ის სულ ცოტა ხნის წინ დაბრუნდა და ცდილობს, მაქსიმალურად დაიხარჯოს იმისთვის, რომ კარგ ფორმაში შევიდეს.“
„ინტენსივობა ნამდვილად არ გვაკლდა, თუმცა უნდა გავითვალისწინოთ მეტოქის სიძლიერე. სიმეონეს ძალიან ძლიერი გუნდი ჰყავს, რომელთან ბრძოლაც ურთულესია.“
„ბოლო მატჩებში დაცვაში შესანიშნავად ვთამაშობთ, რაც უდავოდ მნიშვნელოვანია. სამეფო კლუბმა უკვე ზედიზედ 3 მატჩის მანძილზე შეინახა კარი მშრალად.“
„ბენზემას მომენტი ყველაზე სახიფათო იყო. ფრანგმა ბრწყინვალე დარტყმა განახორციელა, თუმცა იან ობლაკმა შესანიშნავი ნახტომის წყალობით მისი გუნდი გაშვებულ გოლს გადაარჩინა.“
„მატჩის შემდეგ სიმეონე დამემშვიდობა და მითხრა, რომ ბრძოლა გრძელდება, მეც ანალოგიური სიტყვებით ვუპასუხე.“
„ვალვერდეს თამაშით კმაყოფილი ვარ. ურუგვაელს შანსი მივეცი და ყველა მომენტში ეფექტური იყო.“
„ბეილი კარგ ფორმაშია, თუმცა მეტი შეუძლია. ყველამ კარგად იცის უელსელის შესაძლებლობები.“
- 29 სექტემბერი 2019
- 14156
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
