ზიდანი:„„პსჟ“-სთან გამარჯვების საიდუმლო მუდმივი შეტევა იქნება“
ზინედინ ზიდანმა „პსჟ“-სთან მატჩისწინა პრესკონფერენცია გამართა...
„მოხარული ვარ, რომ ჩემპიონთა ლიგა იწყება. ეს არის ყველაზე რთული ტურნირი და პირველივე ტურში მძიმე მეტოქე გვყავს. ყველაფრისთვის მზად ვართ. მიზანი პარიზში გამარჯვება და 3 ქულის მოპოვება იქნება.“
„ჩემპიონთა ლიგის 3-ჯერ მოგება ძალიან სასიამოვნო იყო, მაგრამ ახლა ყველაფერი სუფთა ფურცლიდან იწყება და ჩემი ფებხურთელები ტუხელის გუნდის წინააღმდეგ ისე იასპარეზებენ, როგორც ფინალში.“
„აზარი სათამაშოდ მზად არის. ის შესაძლოა პირველივე წუთებიდან გამოჩნდეს მოედანზე.“
„ორივე გუნდის მიმართ ძალიან დიდი მოლოდინი არსებობს. დარწმუნებული ვარ, კარგ მატჩს ვიხილავთ. ჩვენი მოგების საიდუმლო მხოლოდ შეტევაში ყოფნა იქნება. მთავარი სწორედ ეს არის, თუ შევუტევთ, ბევრი მომენტიც გვექნება და შანსები გაგვეზრდება.“
„კარიმ ბენზემა ფანტასტიკური მოთამაშეა, ის წელს ძალიან შედეგიანია, ისევე როგორც შარშან. მთავარი ის არის, რომ ფრანგს ყველაფერი შეუძლია, არამხოლოდ გოლის გატანა, არამედ საგოლე გადაცემების გაკეთება, ბურთის ამოტანა, მეორე სართულზე ბრძოლა და ასე შემდეგ. კარიმს ძალიან დიდი არსენალი აქვს, რომელსაც სრულად იყენებს.“
„„პსჟ“ ჩემპიონთა ლიგის ერთ-ერთი უმთავრესი ფავორიტია. გასაგებია, რომ ტუხელს დანაკლისი აქვს და მისი გუნდი მბაპესთან, ნეიმართან და კავანისთან ერთად გაცილებით ძლიერია, მაგრამ გადახედეთ სხვა ფეხბურთელებს. პარიზული კლუბის რესურსი ამოუწურავია.“
„კარიმი ყოველთვის მოტივირებული თამაშობს, მაგრამ ბუნებრვია, რომ „პსჟ“-ს წინააღმდეგ მისი შემართება გაიზრდება, ის ხომ „ლიონელია“. ამ კლუბებს შორის დაპირისპირება ათწლეულებს მოიცავს.“
„ხამესი მრავალმხრივი ფეხბურთელია, მაგრამ ის ყველაზე კომფორტულად თავს თავდამსხმელების უკან გრძნობს.“
„იკარდი ძალიან სახიფათო ფორვარდია. არგენტინელმა ფეხბურთელმა „ინტერში“ ასპარეზობის დროს დაამტკიცა, რომ უდიდესი ტალანტის მქონეა. მაუროს წინააღმდეგ ყურადღებით თამაში გვმართებს.“
„კეილორ ნავასს წარმატებებს ვუსურვებ, მაგრამ ამას ხვალინდელ მატჩზე ვერ ვიტყვი. კოსტარიკელი ჩვენი მეტოქე იქნება.“
„დარწმუნებული ვარ, ედენ აზარს „რეალში“ შესანიშნავი მომავალი ექნება. ბელგიელი ძალიან მრავალმხრივია და აუცილებლად მიაღწევს „მერენგების“ რიგებში წარმატებას.“
„ედენის ოცნება ჩემპიონთა ლიგის მოგებაა, ამიტომ ის განსაკუთრებული შემართებით ითამაშებს.“
„„პსჟ“ ყოველწლიურად უფროდაუფრო ძლიერდება, ჩვენ კი ყველაფრისთვის მზად ვართ.“
- 17 სექტემბერი 2019
- 4475
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
