ზიდანი:„თუ ნავასი წავა, ალტერნატივის მოძიება მოგვიწევს“
ზინედინ ზიდანმა „ვალიადოლიდთან“ მატჩისწინა პრესკონფერენცია გამართა...
„მოდრიჩი დაგვაკლდება. ვფიქრობ, მას წითელი ბარათი არ უნდა მიეღო, ვინაიდან განზრახ უხეშობას ადგილი არ ჰქონია. ვეცდები, ხორვატის არყოფნით გამოწვეული დანაკლისი გუნდს არ დაეტყოს.“
„ ტაკეფუსა? ის ძალიან ნიჭიერია, ჩვენ ყოველთვის საუკეთესოებს ვეძებთ.“
„ნეიმარის ტრანსფერი? ახლა მხოლოდ ლა ლიგის მეორე ტურზე და იმ ფეხბურთელებზე ვფიქრობ, რომლებიც სამეფო კლუბში ირიცხებიან. ნებისმიერი ფეხბურთელის წასვლა და მოსვლა შეიძლება, მაგრამ ეს წინასამატჩო პრესკონფერენციაა და არა სატრანსფერო საკითხებზე სასაუბრო.“
„კეილორ ნავასი ჩვენს საკუთრებაშია და დიდი იმედი მაქვს კოსტარიკელი არსად წავა, თუ ის აბარგებას გადწყვეტს, ჩვენ აუცილებლად მოგვიწევს ალტენარტივის მოძიება.“
„დიდი ხანი გავიდა მას შემდეგ, რაც ბერნაბეუზე ბოლო მატჩი გავმართეთ. ბედნიერები ვართ, რომ საშინაო არენაზე გვიწევს გამოსვლა და ქომაგებთან შეხვედრა.“
„„ვალიადოლიდი“ მამაცი გუნდია, რომელიც ყველაფერს აკეთებს იმისათვის, რომ სწორად განვითარდეს და წარმატებებს მიაღწიოს. ლა ლიგაში ადვილი მეტოქე არ არსებობს, ყველგან ბრძოლაა საჭირო.“
„ნავასს ჩემთვის არასდროს უთქვამს, რომ წასვლა სურს, თუ მან ახლა მიიღო ეს გადაწყვეტილება არ ვიცი.“
„ბეილის მომავალი გადაწყვეტილია, მან დარჩენა განიზრახა და დარჩება.“
„ხამესი? ჩვენ 24 ფეხბურთელი გვყავს და აბსოლუტურად ყველა ფლობს შანსს.“
„ბეილი „სელტასთან“ კარგი იყო, როგორც წინა ხაზში, ასევე დაცვაში. ყოველთვის ვაფასებ ფეხბურთელს, რომელიც მოედნის ყველა წერტილში აქტიურად გამოდის.“
- 23 აგვისტო 2019
- 13430
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
