მიუნხენში 3 დღიანი ვიზიტი დასრულებულია. მადრიდის „რეალი“ გუშინ ღამე ესპანეთის დედაქალაქს დაუბრუნდა...

დღეს ზიზუს შეგირდები საწვრთნელ ბაზას დაუბრუნდნენ და მზადებას განაგრძეს.

ამ ეტაპზე კოლექტივი 7 აგვისტოსთვის ემზადება. გუნდი „ზალცბურგის“ წინააღმდეგ მოსინჯავს ძალებს.

სესიაზე ზიზუმ გუნდიჯ ორ ნაწილად გაყო და სხვადასხვა დავალება მისცა.

ტრავმირებული ფეხბურთელები აღდგენით პროცესს განაგრძობენ. აღსანიშნავია, რომ ზინედინ ზიდანის განკარგულებაში სულ მალე იქნება ბრაჰიმ დიასი.

კაზემირო, მილიტაო და ხამეს როდრიგესი თავიდან განსხვავებული პროგრამით ვარჯიშობდნენ, შემდეგ კი კოლექტივს შეუერთდნენ.

კოლექტივთან ერთად იყო გარეთ ბეილი, რომელიც ზიზუმ გერმანიაში არ წაიყვანა.

ლუკა იოვიჩი მწვანე მინდორზე გამოჩნდა, თუმცა განსხვავებული დატვირთვა მიიღო. სერბს სრულფასოვანი ვარჯიშის ჩასატარებლად მინიმუმ 10 დღე კიდევ დასჭირდება.