იოვიჩი:„ძალიან რთული ეტაპები გამოვიარე და საბრძოლველად მზად ვარ“
მადრიდის „რეალის“ ფორვარდმა, ლუკა იოვიჩმა ჟურნალისტებთან ისაუბრა...
„ძალიან რთული ეტაპები მაქვს გამოვლილი და საბრძოლველად მზად ვარ. სანამ „ბენფიკაში“ მოვხვდებოდი, საკმაოდ რთული პერიოდი მქონდა, თუმცა ყველაფერი გადავლახე, არნახულად დიდ პროგრესს ვაჩვენებდი და საბოლოოდ მაღალი რანგის ჩემპიონატში თამაში დავიწყე.“
„როდესაც გავიგე, რომ ბუნდესლიგაში გადავდიოდი, დაფიქრება ვარჩიე, თუმცა შემდეგ მივხვდი, რომ ეს ნაბიჯი სწორი იყო. რომ არა ფრანკფურტის „აინტრახტში“ ნაჩვენები თამაში, დღეს „რეალის“ ფეხბურთელი არ ვიქნებოდი.“
„ტყუილად არაფერი მომხდარა და მადლობელი ვარ ყველა იმ ადამიანის, რომელიც ჩემთან ერთად იბრძოდა და წლების მანძილზე მამხნევებდა. აუცილებლად უნდა აღვნიშნო ნიკო კოვაჩი, ამ ადამიანმა ჩემ ცხოვრებაში ბევრი რამ შეცვალა და სხვაგვარად დამანახა.“
„არც ისე დიდი ასაკი მაქვს. „რეალში“ არიან ფეხბურთელები, რომლებიც კლუბში უკვე იმდენი წელია თამაშობენ, რამდენიც მე პროფესიონალურ დონეზეც არ მითამაშია. ვაცნობიერებ, რამხელა კონკურენციის კვალდაკვალ მომიწევს მუშაობა, მაგრამ ეს სპორტია, სადაც არასდროს არ უნდა დაიღალო, სხვა შემთხვევაში წარმატებული ვერ იქნები.“
„ის, რომ პრე-სეზონი ახლოვდება ძალიან მახარებს. ჩემთვის დასვენება აუცილებელი იყო, რადგან სპორტსმენი ვარ და განტვირთვა მჭირდება, მაგრამ მერწმუნეთ, თითოეული დღე საკმაოდ ნელა გადის. მოუთმენლად ველი ზინედინ ზიდანის პირველ შეკრებაზე მისვლას, ეს ჩემთვის ძალიან მნიშვნელოვანი დღე იქნება.“
„ამერიკის შეერთებულ შტატებში ბოლომდე უნდა დავიხარჯო, ვეცადო, რომ ალღო ავუღო იმ სტილს, რომელსაც მადრიდის „რეალი“ თამაშობს.“
„ძალიან კარგად მესმის, რომ „ბლანკოსში“ გაცილებით მეტი მოთხოვნაა, ვიდრე „აინტრახტში“. ასევე კარგად მესმის, რომ ლა ლიგის მოგება ბევრად რთულია, ვიდრე ბუნდესლიგის, მაგრამეს ყველაფერი იქამდე გავაანალიზე, სანამ კონტრაქტს მოვაწერდი ხელს.“
„მნიშვნელოვანია, რომ გუნდი ძლიერდება. როდრიგო, აზარი, მილიტაო, მენდი ძალიან დიდი ძალაა. ეჭვი არ მეპარება, პრეზიდენტი პერესი ბოლომდე დაიხარჯება იმისათვის, რომ მადრიდის „რეალი“ მომდევნო სეზონში ყველაზე ძლიერი შემადგენლობით გავიდეს მოედანზე.“
- 30 ივნისი 2019
- 1764
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
