მენდი;„როდესაც 14 წლის ვიყავი მითხრეს, რომ ვეღარ ვითამაშებდი, ახლა „რეალში“ ვარ“
ფერლან მენდიმ „რეალის“ ფეხბურთელის რანგში პირველი პრესკონფერენცია გამართა...
„ძალიან ბედნიერი ვარ, რომ მსოფლიოს საუკეთესო კლუბის მაისური მოვირგე. იმედი მაქვს, „ბლანკოსის“ რიგებში ბევრ ტიტულს მოვიგებ.“
„ყოველთვის მჯეროდა ჩემი ოცნებების ახდენის. ამბიციური ადამიანი ვარ და არ ვთვლი, რომ ეს ცუდი თვისებაა.“
„ყველაფერი კარგად მიდის. მჯერა, რომ „რეალში“ ფანტასტიკურად თამაში შემიძლია, ამისთვის ყველაფერს გავაკეთებ.“
„ყველა თამაშში ბოლომდე დავიხარჯები იმისათვის, რომ კლუბს ბევრი სასარგებლო საქმე გავუკეთო. საკმაოდ ახალგაზრდა ვარ და ბევრი მაქვს სასწავლი, თუმცა ვთვლი, რომ შემიძლია გუნდის დახმარება.“
„„რეალმა“ ჩემ სანაცვლოდ დიდი თანხა გადაიხადა, ყველაფერს გავაკეთებ ავანსების გასამართლებლად.“
„მარსელო ჯერ არ მინახავს, ის ჩემი კონკურენტია, მაგრამ ბრაზილიელისგან ბევრი რამის სწავლა შეიძლება.“
„მოუთმენლად ველი ზინედინ ზიდანთან შეხვედრას, ჩვენ ერთმანეთი ჯერ-ჯერობით არ გვინახავს.“
„ცოტა ხნის წინ რაფაელ ვარანს ვესაუბრე, მან მითხრა, რომ მსოფლიოს საუკეთესო კლუბში მოვდიოდი და მაქსიმალურად დამეხმარებოდა კლუბში დროულად ადაპტაციაში.“
„მბაპე და პოგბა? ორივე უმაღლესი კლასის ფეხბურთელია და რა თქმა უნდა, არსებობს ჭორები მათი „რეალში“ გადმოსვლასთან დაკავშირებით.“
„როდესაც 14 წლის ვიყავი მითხრეს, რომ ფეხბურთის თამაშს ვეღარ შევძლებდი, ახლა კი მსოფლიოს საუკეთესო კლუბის ღირსების დამცველი გავხდი და ეს ჩემთვის ძალიან მნიშვნელოვანია.“
„შარშანდელ სეზონში „მერენგებს“ საუკეთესო მაჩვენებლები არ დაუფიქსირებიათ, მაგრამ მომდევნო სეზონში ყველაფერი რადიკალურად განსხვავებული იქნება.“
„პოზიცია? თავს ყველაზე კომფორტულად დაცვაში ვგრძნობ, მაგრამ არაერთხელ დავამტკიცე, რომ წინა ხაზშიც შემიძლია თამაში, ფლანგიდან ჩართვები ძალიან მომწონს.“
„არ ვიცი ვითამაშებ სასტარტო შემადგენლობაში, თუ მოვიაზრები სათადარიგოთა სკამზე დასაჯდომ ფეხბურთელად, მაგრამ ის დანამდვილებით ვიცი, რომ ბოლომდე ვიბრძოლებ სამეფო კლუბში ფეხის მოსაკიდებლად.“
- 19 ივნისი 2019
- 3678
- 59
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
