„რეალი“ მარკოს ლორენტეში 50 მილიონს ითხოვს, „ატლეტიკო“ თანხას ვერ იხდის
მადრიდის „ატლეტიკოსა“ და „რეალს“ შორის მოლაპარაკების რამდენიმე ეტაპი შედგა, მაგრამ მარკოს ლორენტეს ტრანსფერზე საბოლოო შეთანხმება ვერ ხერხდება...
ფლორენტინო პერესს ლორენტეს სანაცვლოდ 50 მილიონი ევროს მიღება სურს, „ატლეტიკო“ კი ამხელა თანხას ვერ იხდის და მხოლოდ 35 მილიონის გადახდაზეა თანახმა.
ენრიკე სერეზო და ფლორენტინო პერესი წინა კვირაში ერთმანეთს შეხვდნენ და ტრანსფერის დეტალები განიხილეს.
ესპანურ გამოცემებზე დაყრდნობით, არსებობს ერთ-ერთი ვარიანტი, რომლის მიხედვითაც, ლორენტე „როხიბლანკოში“ გადავა, „რეალი“ კი პირველ ეტაპზე 35 მილიონ ევროს მიიღებს, ხოლო დანარჩენი 15 მილიონი 2 წლის განმავლობში ეტაპობრივად ჩაერიცხება.
ვნახოთ, როგორ განვითარდება მოვლენები, თუმცა ფაქტია, რომ ესპანელი ნახევარმცველი ზიზუს გეგმებში არ შედის და მისი გაყიდვა „ბლანკოსისთვის“ იდეალური ვარიანტია.
- 18 ივნისი 2019
- 1789
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
