ერთ–ერთი დაპირება, რომელიც ფლორენტინო პერესმა დადო გულშემატკივრების წინაშე, იყო კლუბის ესპანიზაცია. მოკლედ, დაპირება შესრულებულია, ხაბი ალონსო გახდა მეხუთე ესპანელი, რომელიც ამ ზაფხულს მადრიდის რეალში გადმოვიდა

ხაბი ალონსო: ორგანიზატორი

ხაბი– ფლორენტინოს სატრანსფრო პოლიტიკის მწვერვალი. ის ეჭვგარეშე ფეხბურთის ერთ–ერთი საუკეთესო ორგანიზატორია მსოფლიოში. ის ლივერპულის და რეალ სოსიედადის ფუნდამეტური ფეხბურთელი იყო. ფლორენტინოს მისი ყიდვა ჯერ კიდევ მაშინ სურდა, როცა ის ბასკურ კლუბში თამაშობდა, მაგრამ სოსეიდადმა იგი ინგლისში გაუშვა.

რაულ ალბიოლი: პერსპექტივა

ესპანეთის ერთ–ერთი ყველაზე პერსპექტიული ცენტრალური მცველი. ვალენსიაში გატარებული ბოლო ოთხი წლის განმავლობაში რაულმა დიდი გამოცდილება მიიღო და გახდა კლუბის ერთ–ერთი ლიდერი. მისმა სტაბილურობამ გამოიწვია ის, რომ იგი ეროვნულ ნაკრებში გამოიძახეს. მოსალოდნელია, რომ სწორედ ის შექმნის პეპესთან ერთად მადრიდის რეალის ცენტარლურ დაცვით ხაზს.

ალვარო არბელოა: უნივერსალურობა

არბელოა მადრიდში დაბრუნდა. მან საკუთარი თავი ჯერ დეპორტივოში და მერე ლივერპულში წარმაოჩინა. გახდა ესპანეთის ეროვნული ნაკრების ფეხბურთელი, რომლის შემადგენლობაშიც მოიგო ევროპის 2008 წლის ჩემპიონატი. მას შეუძლია, როგორც მარჯვნივ ასევე მარცხნივ თამაში დაცვაში.

გრანერო და ნეგრედო : კანტერას პროექტები

ესტებან გრანერო და ალვარო ნეგრედო–ასევე დაბრუნდნენ მადრიდში ამ ზაფხულს და ცდილობენ დაამტკიცონ, რომ მათ შეუძლიათ ბერნაბეუზე თამაში. "პირატმა" ხეტაფეში ორი სეზონი გაატრა, გახდა კლუბის ლიდერი და შეტევების მთავარი შემოქმედი. ნეგრედომაც ორი წელი ალმერიაში გაატარა, სადაც კლუბის ბომბარდირი გახდა და პრიმერას ერთ–ერთი საუკეთესო ფეხბურთელი წინა სეზონში.