ბრაზილიელი ნეიმარი მსოფლიო მასშტაბით არანაკლებ დიდი პოპულარობით სარგებლობს, როგორც კრიშტიანო რონალდუ, ლეო მესი და სხვა მსოფლიო დონის ვარსკვლავები...

მოგეხსენებათ, სამეფო კლუბი ბრაზილიელით ინტერესდება და მზაფყოფნას გამოთქვამს მის სანაცვლოდ 200-220 მილიონი ევრო გადაიხადოს.

ესპანელები მიუთითებენ, რომ ნეიმარის „ბლანკოსში“ ტრანსფერი არამხოლოდ გუნდის გაძლიერებისთვის, არამედ მარკეტინგული თვალსაზრისითაც ძალიან მომგებიანი იქნება, ვინაიდან მისი ტრანსფერის შემთხვევაში „ბლანკოსის“ თამაშები კიდევ უფრო საინტერესო გახდება, ასევე უდიდესი მოთხოვნები იქნება სათამაშო მაისურებზე და არ არის გამორიცხული, ისტორიული რეკორდიც მოიხსნას, რომელიც 2009/10 წლებში დაყარდა. მაშინ კრიშტიანო რონალდუსა და კაკას მაისურების რეკორდული გაყიდვები დაფიქსირდა.

გარდა ამისა უნდა აღინიშნოს, რომ ნეიმარს აურაცხელი რაოდენობის სარეკლამო შემოსავლები აქვს და „რეალში“ ტრანსფერის შემთხვევაში „ბლანკოსი“ მისი შემოსავლებიდანაც მიიღებს მინიმუმ 40%. ამასთანავე უნდა აღინიშნოს, რომ არ არის გამორიცხული, „მერენგების“ რიგებში თამაშის შემთხვევაში, ნეის სარეკლამო შემოსავლები კიდევ უფრო გაიზარდოს, რაც „ბლანკოსის“ ბიუჯეტსაც გაზრდის.

ესპანური გამოცემების ანალიტიკოსები და მარკეტოლოგები ფიქრობენ, რომ ნეიმარში გადახდილი 200 მილიონი ევროს გამომუშავება „ბლანკოსის“ პრეზიდენტს ტრანსფერიდან მაქსიმუმ 2 წელიწადში შეეძლება.

ყოველივე ზემოაღნიშნულიდან გამომდინარე, ამ ეტაპზე „რეალის“ მხრიდან ნეიმარის ნომერ პირველ პრიორიტეტად დასახელება ოპტიმალური ვარიანტია და ფლორენტინო პერესმა ყველაფერი უნდა გააკეთოს „პსჟ“-ს ბრაზილიელი ვარსკვლავის შესაძენად.������� dle 10.1������� ������� ������