რაფაელ ვარანმა „მარკასთან“ ვრცელი, მრავლისმომცველი და ძალიან საინტერესო ინტერვიუ ჩაწერა...

„დიახ, აქ ყველაზე დიდი მოთხოვნებია, მაგრამ შეუძლებელია, რომ „რეალი“ ყოველი წლის ბოლოს ჩემპიონთა ლიგის ოქროს მედლის მფლობელი ხდებოდეს. ჩავარდნა ბუნებრივი მოვლენაა და ამაში დიდი პრობლემის დანახვა არ შეიძლება. მთავარი ის არის, რომ მუშაობა განვაგრძოთ და მომდევნო სეზონს მოწოდების სიმაღლეზე შევხვდეთ. ის, რაც „რეალმა“ შეძლო ყველას შეუძლებელი ეგონა, მაგრამ ჩვენ მოვახერხეთ, თანაც აუცილებლად გასათვალისწინებელია, რომ ამ კლუბის წინააღმდეგ ყველა განსხვავებული მოტივაციით თამაშობს. „ბლანკოსის“ დამარცხება ერთგვარი პრესტიჟია.“

„კრიშტიანო რონალდუს წასვლა რა თქმა უნდა დიდი დარტყმა იყო, მაგრამ მისი დარჩენის შემთხვევაშიც ვერ ვიტყვი, რომ კლუბი წელს ყველაფერს მოიგებდა, პრობლემებმა აშკარად იჩინა თავი>“

„სოლარი და ლოპეტეგი? ორივე მწვრთნელს დიდ პატივს ვცემ, ისინი ბოლომდე მუშაობდნენ, მაგრამ სამწვრთნელო კარიერა მხოლოდ თვეების მანძილზე გაუგრძელდათ. ჩვენ ნამდვილად ყველაფერს ვაკეთებდით იმისათვის, რომ წარმატებისთვის მიგვეღწია. ლოპეტეგის ბოლო თვეში სერიოზული პრობლემები ჰქონდა, სოლარის ბედი კი „ელ კლასიკოებმა“ და ჩემპიონთა ლიგიდან ნაადრევად გამოთიშვამ გადაწყვიტა, თუმცა ვერავინ იტყვის, რომ „რეალს“ რომელიმე მატჩში არ უბრძოლია, ჩვენ გულშემატკივრების შეხედვის ნამდვილად არ გვრცხვენოდა.“

„ეს არ იყო ჩემი საუკეთესო სეზონი, რადგან რამდენჯერმე ტრავმა მივიღე და სარეაბილიტაციო კურის გავლა მომიხდა. ვფიქრობ, როდესაც მოედანზე ვიყავი ბოლომდე ვიხარჯებოდი, მაგრამ მომატება შემიძლია და მომდევნო სეზონში ვეცდები, ყველაფერი მოვაგვარო.“

„ვფიქრობ, ზიდანი არის მწვრთნელი, რომელსაც კიდევ უფრო მეტის გაკეთება შეუძლია გუნდისთვის.“

„ჩემი მოტივაცია? მიუხედავად იმისა, რომ 26 წლის ასაკში ძალიან ბევრს ტიტულს ვფლობ, გაჩერებას არ ვაპირებ. ახლა კარგად დავისვენებ, ამდენი ხანი დასვენების დრო არ მახსოვს, აქედან გამომდინარე, ორგანიზმი ენერგიის შეივსება. მიხარია, რომ პრე-სეზონს სრულად გავივლი და კოლქტივს გვიან არ შევუერთდები, ეს მნიშვნელოვანი ნაწილია.“
„ეს არის ძალიან მნიშვნელოვანი გამოწვევა, რომელსაც ყველა ფეხბურთელი უპასუხებს. ჩვენ სუპერ კლუბი ვართ და ვერცერთ სეზონს ვერ დავასრულებთ ტიტულების გარეშე. მომდევნო წელს ძალიან სერიოზული გეგმების განხორციელებას ვაპირებთ.“

„პოლ პოგბას „რეალში“ ტრანსფერი? დიახ, ის საოცარი ფეხბურთელია და აქედან გამომდინარე, თავისუფლად შემიძლია ვთქვა, რომ ტრანსფერს არ გამოვრიცხავ, თუმცა უნდა აღინიშნოს, რომ ამ საკითხში მე ვერ ჩავერთვები და „ბლანკოსის“ ახალ შემადგენლობას აგვისტოს ბოლოს ვიხილავთ.“

„ედენ აზარი ერთ-ერთი საუკეთესო ფეხბურთელია და თუ მისი ტრანსფერი შედგება ძალიან გამიხარდება. მინდა გითხრათ, რომ როდესაც ბელგიის ნაკრებთან თამაშს ვგეგმავდით, მასზე დიდი ყურადღება გვქონდა გამახვილებული.“

„გრიზმანის გადაწყვეტილებას პატივს ვცემ, თუმცა მინდა გითხრათ, რომ არ ვიცი რომელ კლუბში აპირებს კარიერის გაგრძელებას. თუ ის „ბარსელონაში“ გადავა, რა თქმა უნდა არ მესიამოვნება, ვინაიდან უშუალო კონკურენტი მსოფლიოს ერთ-ერთი საუკეთესო ფეხბურთელით გაძლიერდება.“


������� dle 10.1������� ������� ������