„რეალმა“ გაყიდული ფეხბურთელების სანაცვლოდ მინიმუმ 200 მილიონი უნდა მიიღოს
მადრიდის „რეალი“ ზაფხულში ძალიან სერიოზული აქტივობების ჩვენებას გეგმავს. სამეფო კლუბში რამდენიმე ცვლილება უნდა მოხდეს და კოლექტივს ვარსკვლავები უნდა შემოუერთდნენ...
იმისა, რომ ფლორენტინო პერესმა კლუბის ბიუჯეტიდან სოლიდური თანხა დახარჯოს, საჭიროა შემოსავლების მიღება, სხვა შემთხვევაში, „რეალს“ ის პრობლემები შეექმნება, რომელიც ამ ეტაპზე „ჩელსის“, „პსჟ“-ს და მანჩესტერ „სიტის“ აქვს.
ესპანურ გამოცემებზე დაყრდნობით, მადრიდულმა კლუბმა გაყიდული ფეხბურთელების სანაცვლოდ 200 მილიონი ევროს მაინც უნდა მიიღოს, რათა გაბედული ნაბიჯები გადადგას და დიდი თანხის დახარჯვა შეძლოს.
სამეფო კლუბს ზაფხულში მინიმუმ 300 მილიონის დახარჯვა აქვს მიზნად დასახული, რომელიც ედენ აზარის, ლუკა იოვიჩის და სხვების ტრანსფერებს მოხმარდება.
რაც შეეხება გასაყიდ ფეხბურთელთა სიას. პირველ რიგში უნდა აღინიშნოს, რომ კლუბს გარეთ ბეილი გამოემშვიდობება და ყველაზე დიდი თანხის აღება სწორედ მის სანაცვლოდ არის დაგეგმილი. „რეალი“ ასევე განიხილავს წინადადებს, რომელიც კეილორ ნავასს, მარიანო დიასს, მარკოს ლორენტეს, დანი სებალიოსს, სერხიო რეგილონს (იჯარით) ხამეს როდრიგესს და მატეო კოვაჩიჩს ეხება.
- 18 მაი 2019
- 1234
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.