ზიდანმა პრეზიდენტს გეგმა და საყიდელი ფეხბურთელის სია წარუდგინა
ესპანური გამოცემები იუწყებიან, რომ ზინედინ ზიდანმა მადრიდის „რეალის“ პრეზიდენტს, ფლორენტინო პერესს სამომავლო გეგმა და საყიდელი ფეხბურთელების სია წარუდგინა...
ზიზუ სქემის შეცვლას არ გეგმავს და უპირატესობას კვლავ 4-3-3 სქემას მიანიჭებს, რომლის დაცვის ხაზში ცვლილება არ იქნება და ცენტრს კვლავ კარვახალი, ვარანი, რამოსი და მარსელო გაამაგრებენ. იმ შემთხვევაში, თუ ვარანის ირგვლივ არსებული ჭორები გამართლდა და ფრანგი წავიდა, მის ადგილს ახალწვეული ედერ მილიტაო დაიკავებს, თუმცა ვრცელდება ინფორმაცია, რომ იურისტები უკვე მუშაობენ მის ახალ ხეშლეკრულებაზე.
ნახევარდაცვაში ზიზუ სერიოზულ გარღვევებს გეგმავს. ფრანგის უპირველესი მიზანი პოლ პოგბას ყიდვაა, რომელიც კაზემიროს და კროოსი-მოდრიჩის დუეტიდან ერთ-ერთს უნდა შეუწვილდეს. გამორიცხულია, რომ პერესმა პოლი სათადარიგოთა სკამისთვის იყიდოს, აქედან გამომდინარე, სასტარტო შემადგენლობიდან ხორვატი ან გერმანელი ამოვარდება, ანაც საერთოდ გუნდს დატოვებს.
რაც შეეხება წინა ხაზს. ზიდანს მბაპე სურს, მაგრამ იმასაც აცნობიერებს, რომ მისი ყიდვა ამ ეტაპზე შეუძლებელია, ამიტომ ფრანგი თავდასხმის გაძლიერებას აზარით და მანეთი გეგმავს, რომლებიც ტრიოს შექმნიან კარიმ ბენზემასთან. ასევე კოლექტივში იქნებიან ლუკას ვასკესი, ასენსიო და ვინიციუს ჟუნიორი, რომელიც ამ შემთხვევში დამატებით რესურსად იქნება აღქმული.
ვრცელდება ინფორმაცია, რომ ზიდანი მარიანო დიასს და გარეთ ბეილს აუცილებლად გაუშვებს გუნდიდან და „რეალი“ მათ მომავალ კლუბს ახლაც ეძებს. ასევე იგეგმება სებალიოსის, ისკოს, მარკოს ლორენტეს და ხესუს ვალიეხოს გაშვებაც.
- 2 მაი 2019
- 12716
- 29
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
