ზიდანი:„ბენზემა ჩემი ახალი პროექტის უცვლელი წევრი იქნება, ის საუკეთესოა“
ზინედინ ზიდანმა „ბილბაოსთან“ მატჩის შემდეგ პრესკონფერენცია გამართა...
„კმაყოფილი ვარ. მატჩის სურათი მეორე ნახევარში მნიშვნელოვნად შეიცვალა, რაც გატანილ გოლებშიც გარდაისახა. უნდა აღინიშნოს, რომ გუნდმა შეტევაში ძალიან მოუმატა და შედეგიც სახეზეა.“
„ჩვენ გვიხარია, რომ 3 გოლი გავიტანეთ და კარი მშრალად შევინახეთ. ბრავო ნავასს, მან ბრყწინვალედ იასპარეზა და რამდენიმე მომენტში კოლექტივი გაშვებული გოლისგან იხსნა.“
„ვალიეხო ბრწყინვალე იყო. ესპანელი ფეხბურთელის თამაშით ძალიან კმაყოფილი ვარ.“
„მას შემდეგ, რაც „რეალში“ დავბრუნდი, ეს იყო ყველაზე სრულყოფილი მატჩი, აქედან გამომდინარე, ფეხბურთელებს დიდ მადლობას ვუხდი. ქომაგებმა სწორედ ასეთი ფეხბურთი უნდა იხილონ.“
„კარიმ ბენზემას ჰეთ-თრიკი? საკვირველი არაფერია, მე მისგან არაფერი მიკვირს. ფრანგი ფორვარდი ჩემი ახალი პროექტის უცვლელი წევრი იქნება, „9“-იანი უდიდეს პოტენციალს ფლობს, ის დღევანდელი ფორმაციის „რეალში“ საუკეთესოა და ციფრებიც ყველაფერზე მეტყველებს. ძალიან მიხარია, რომ ბენზემა საკუთარ კლასს აჩვენებს.“
„არის თუ არა ბენზემა მსოფლიოში საუკეთესო „9“-იანი. მე მხოლოდ იმის თქმა შემიძლია, რომ კარიმი „მერენგების“ რიგებში 10 წელია ირიცხება და ფენომენალურ თამაშს აჩვენებს.“
„ბრაჰიმ დიასს დიდი მომავალი აქვს, მას შანსი მივეცი. მიუხედავად მოედანზე მცირე დროის დაყოფისა, ესპანელმა იაქტიურა.“
- 22 აპრილი 2019
- 8481
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
