მადრიდის „რეალის“ ოფიციალურმა ვებ-გვერდმა ოფიციალურად დაადასტურა, რომ მომდევნო სეზონიდან 6 წლის განმავლობაში ბრაზილიელი მილიტაო სამეფო კლუბის ღირსებას დაიცავს...

მილიატაო 1998 წლის 18 იანვარს ბრაზილიაში, კერძოდ სან პაოლოში დაიბადა და სწორედ იქ გადადგა პირველი საფეხბურთო ნაბიჯები. 2011-2017 წლებში მილიტაო „სან პაოლოს“ სხვადასხვა ასაკობრივ ჯგუფში ირჯებოდა, შემდეგ კი მთავარ გუნდშიც დაწინაურდა.

2017/18 წლების სეზონში ბრაზილიის ჩემპიონატში გამორჩეული თამაშის გამო მან „პორტუს“ ყურადღება მიიპყრო და ტრანსფერიც შედგა.

მიმდინარე სეზონში ბრაზილიელი ფეხბურთელი პორტუგალიის ჩემპიონატში გამოდის და არნახულ პროგრესს აჩვენებს. ედერი ჩემპიონატის საუკეთესო მცველად სექტემბრის, ოქტომბრის, ნოემბრისა, დეკემბრისა და იანვრის თვეში დასახელდა.

ამპლუით ბრაზილიელი ცენტრალური მცველია, თუმცა მარჯვენა მცველადაც შეუძლია კარგად ასპარეზობა. მილიტაო სიმაღლის წყალობით ბრწყინვალედ იბრძვის მეორე სართულზე, ასევე ძალიან კარგად ანვითარებს სისწრაფეს და ტაქტიკური თვალსაზრისით ბრწყინვალე ფიგურაა.

ედერმა უკვე მოასწრო ეროვნულ ნაკრებში თამაშიც, ვინაიდან „პორტუში“ არნახულად დიდ პროგრესს აჩვენებდა.

ედერს ევროპულ ფეხბურთელთან ადაპტაცია საერთოდ არ გაჭირვებია და დღესდღეობით პორტუგალიის ჩემპიონატში ერთ-ერთი თვალშისაცემი ფეხბურთელია.

დღეს, 14 მარტს მადრიდის „რეალმა“ ოფიციალურად დაადასტურა, რომ მილიტაოსთან შეთანხმება მიღწეულია. წარმატებები ედერს!!!


������� dle 10.1������� ������� ������