კროოსი:„არასდროს ვნერვიულობ, არც ისეთ უნიკალურ მატჩში, როგორიც „ელ კლასიკოა““
ტონი კროოსმა „ელ კლასიკოს“ წინ ინტერვიუ ჩაწერა...
„„ელ კლასიკო“ არის უნიკალური დაპირისპირება, რომელიც უდიდეს სიამოვნებას ანიჭებს პუბლიკას. უკვე 5 წელი ხდება, რაც მადრიდის „რეალის“ ღირსებას ვიცავ და არაერთ „ელ კლასიკოში“ მომიწია მონაწილეობის მიღება. ემოციები მართლაც განსაკუთრებულია.“
„„ბარსელონა“ არასდროს მანერვიულებდა. ეს ამ კლუბს არასდროს შეეძლო და არც ახლაც შეუძლია. ზოგადად, მატჩების წინ არ ვნერვიულობ.“
„ორი საუკეთესო გუნდის ყურება ერთმანეთის პირისპირ უბრალოდ საოცარია. ჩვენ ერთმანეთს კარგად ვიცნობთ და ვიცით, რომ შეცდომების დაშვების უფლება არ გვაქვს.“
„სანტიაგო ბერნაბეუზე ჩატარებული ყველა დაპირისპირება განსაკუთრებულ ემოციებთან არის დაკავშირებული, რადგან ეს მაგიური სტადიონია, მაგრამ „ელ კლასიკო“ კიდევ უფრო სხვა განზომილებაა.“
„ვფიქრობ, რომ ნახევარდაცვის თამაშს გადამწყვეტი მნიშვნელობა აქვს. შუა ხაზი გუნდის წარმატებაში უმნიშვნელოვანესია. მოდრიჩთან ერთად თამაში ნამდვილად დიდ სიამოვნებას მანიჭებს, მაგრამ არ დაგვავიწყდეს კაზემირო, რომლის კარგ გამოსვლაზეც ბევრი რამ არის დამოკიდებული. ბრაზილიელის უშეცდომო და სტაბილური თამაშის ხარჯზე გასულ სეზონებში უდიდესი გამარჯვებები დავაფიქსირეთ.“
„„საკმაოდ მშვიდი და მტკიცე ხასიათის ადამიანი ვარ. ვენდობი ჩემ თვისებებს და პროფესიონალიზმს.“
„გრაფიკი ძალიან მჭიდროა, მაგრამ „რეალში“ არსებობს შესაბამისი რესურსი, რომელსაც სრულად ვითვისებთ და ტოპ მატჩებისთვის მზადყოფნას ვაცხადებთ.“
„გუნდში არაერთი ახალგაზრდა და პერსპექტიული ფეხბურთელია. ვინიციუსი, ვალვერდე და რეგილონი განსაკუთრებით სჩანან, თუმცა კიდევ გვყავს რამდენიმე ფიგურა, რომელიც სულ მალე გამოვა ასპარეზზე და სამეფო კლუბს დიდ წარმატებას მოუტანს.“
„სოლარი? ის გამოცდილია, არგენტინელს ფეხბურთელის რანგში არაერთი „ელ კლასიკო“ გაუმართავს და ზუსტად იცის მეტოქის თვისებები.“
- 27 თებერვალი 2019
- 2432
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
