კაზემირო:„ჩემი დარტყმის მოგერიებას ვერცერთი მეკარე ვერ შეძლებდა“
ბრაზილიელმა კაზემირომ „სევილიასთან“ ულამაზესი გოლი გაიტანა და მატჩის შემდეგ კომენტარი გააკეთა...
„ეჭვგარეშეა, რომ ძალიან კარგი მატჩი გამოვიდა. ბედნიერი ვარ, ულამაზესი გოლი გავიტანე. როდესაც ბურთი მივიღე, ვიგრძენი, რომ ის კარისკენ უნდა გამეშვა. ულამაზესი დარტყმა გამომივიდა და ჩემი ცხოვრების ერთ-ერთი დაუვიწყარი გოლი გავიტანე.“
„მთელმა გუნდმა დიდი მატჩი ითამაშა. მნიშვნელოვანი 3 ქულა მოვიპოვეთ და სიტუაცია გავიუმჯობესეთ.“
„„სევილიას“ მეკარე აქ არაფერშუაში იყო. ვფიქრობ, ამ დარტყმის მოგერიებას ვერავინ შეძლებდა.“
„როდესაც ასეთი ძლიერი მეტოქის პირისპირ გამოდიხარ და დამაჯერებლად იმარჯვებ, გამოდის, რომ კარგ სიტუაციაში ხარ. ჩვენ განვაგრძობთ მუშაობას. ვიცით, რომ საუკეთესო კონდიციაში არ ვიმყოფებით, მაგრამ ისიც ვიცით, რომ სეზონის დასკვნით ეტაპს მოწოდების სიმაღლეზე შევხვდებით.“
„ბერნაბეუზე შეკრებილმა ქომაგებმა უდიდესი მხარდაჭერა გამოგვიცხადეს და გამარჯვებაში წვლილი შეიტანეს. დიდი მადლობა მათ.“
„ლაოსი? მსაჯებზე საუბარი ჩემი საქმე არ არის. მას ერთ-ერთ საუკეთესო სპეციალისტად მივიჩნევ და ვფიქრობ, რომ მისი გადაწყვეტილებები ყოველთვის არის ასევე მის მიერ განმარტებული.“
- 20 იანვარი 2019
- 2125
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
