"მადრიდის რეალი" - ლა ლიგის ყველაზე შედეგიანი კლუბია. ასევე მადრიდელებმა ამ 30 ტურის განმავლობაში ყველაზე მეტჯერ დაარტყეს მეტოქეთა კარის მიმართულებით.

"მადრიდის რეალმა" გაიტანა 83 გოლი, საშუალოდ 2,77 ერთ შეხვედრაში, კლუბი ნელ–ნელა უახლოვდება რეკორდს, რომელიც დამყარდა ისევ "თეთრების" მიერ 1989/90 წლებში, მაშინ "ბლანკოსებმა" საერთო ჯამში 107 გატანილ გოლს მოუყარეს თავი. "თეთრებმა" "სანტიაგო ბერნაბეუზე" 50 გოლი გაიტანეს, საშუალოდ 3,33 გოლი ერთ შეხვედრაში. თავის მხრივ "ბარსელონამ" გაიტანა 75 გოლი (2,55 გოლი საშუალოდ ერთ შეხვედრაში), საიდანაც 32 სტუმრად იქნა გატანილი (საშუალოდ 2,13 ერთ თამაშში).

იგუაინსა და რონალდუს შესაბამისად 24 და 18 გატანილი გოლი დაუგროვდათ. განვლილი 30 ტურის განმავლობაში "თეთრების" 14–მა ფეხბურთელმა მოახერხა გოლის გატანა. "ბარსელონას" რიგებში საუკეთესო ბომბარდირად გვევლინება არგენტინელი ლიონელ მესი (26 გატანილი გოლი) და შვედი ზლატან იბრაგიმოვიჩი (16 გატანილი გოლი).

"მადრიდის რეალმა" საერთო ჯამში 620–ჯერ დაარტყა მეტოქეთა კარის მიმართულებით (საშუალოდ 20,67–ჯერ მატჩში), "ბარსელონას" ანალოგიური მაჩვენებელი კი 471–ია (საშუალოდ 15,71–ჯერ ერთ შეხვედრაში).

წყარო: Realmadrid.com