ლოპეტეგი:„„რეალის“ დატოვებაზე საუბარი სასაცილოა“
ჟულიენ ლოპეტეგიმ მადრიდული დერბის წინ პრესკონფერენცია გამართა...
„დერბი ყოველთვის განსაკუთრებულია. გაიმარჯვებს ის გუნდი, რომელიც ფიზიკურად და მენტალურად უფრო კარგად იქნება მზად. ჩვენ ძალიან ბევრი სამუშაო გავწიეთ და საკუთარი შესაძლებლობების გვჯერა.“
„ყველაფერს გავაკეთებთ მაქსიმუმისთვის. გარკვეული დანაკლიები გვაქვს, მაგრამ კონცენტრაციის ნაკლებობას არ განვიცდით, ჩვენთვის დიდი მნიშვნელობა ექნება დერბის მოგებას.“
„ეჭვი არ მეპარება, ლა ლიგის მიმდინარე გათამაშება ძალიან კონკურენტუნარიანი იქნება. თითოეული მატჩის მოსაგებად ბოლომდე უნდა ვიბრძოლოთ.“
„ჩემი წასვლა? ამაზე საუბარი სასაცილოდ მიმაჩნია, გუნდში სულ ცოტა ხნის წინ მოვედი. ნებისმიერ დროს მზად ვარ, დავტოვო „რეალი“ თუ ამას ხელმძღვანელობა მეტყვის, მაგრამ პრეზიდენტი ყოველთვის მიკავშირდება და სრულ ნდობას მიცხადებს, ფლორენტინო დარწმუნებულია, რომ ჩემი ფორმაციის „ბლანკოსი“ ტიტულოვანი იქნება.“
„მიუხედავად დერბისა, ამ მატჩს 3 ქულიანი მნიშვნელობა აქვს, ისევე როგორც სხვა მეტოქეებთან, ამიტომ დამატებითი ნერვიულობა არაფერს გვარგებს.“
„ვფიქრობ, „ატლეტიკოსთან“ პაექრობისთვის მოსამზადებლად ცოტა დრო გვქონდა, მაგრამ ფეხბურთელებს შეუძლიათ უმაღლესი კლასის თამაშის ჩვენება. ბერნაბეუმ ლამაზი „ბლანკოსი“ უნდა იხილოს.“
„ენერგია, სისწრაფე და კლასი გვაძლევს იმის საშუალებას, რომ მიმზიდველი და ლამაზი ფეხბურთი ვითამაშოთ, ჩვენთვის უმნიშვნელოვანესია ეფექტური ფეხბურთის თამაში.“
„გოლის გატანის ასპექტში გარკვეული პრობლემები გვაქვს, რამაც თავი „რომასთან“ პაექრობაში იჩინა. მიუხედავად იმისა, რომ 3:0 ვიმარჯვეთ, გაცილებით მეტი უნდა გაგვეტანა. ანალოგიურს ვიტყოდი „სევილიასთან“ პაექრობაზე, სადაც ჩვენს გრაფაში 0 ნამდვილად არ უნდა ყოფილიყო.“
„ჯერ მხოლოდ 6 მატჩი გვაქვს ჩატარებული, ლა ლიგის დანარჩენი და მნიშვნელოვანი დაპირისპირებები წინ არის. საერთო ჯამში კმაყოფილი ვარ, თუმცა ფეხბურთელების მიმართ ძალიან დიდ მოთხოვნებს ვაყენებ.“
„ემოციური თვალსაზრისით თავს შესანიშნავად ვგრძნობ და არანაირი პრობლემა არ მაქვს. წაგება ყველას ახსოვს, მოგება კი მარტივად ავიწყდებათ, თუმცა ამას ყურადღებას არ ვაქცევ.“
„ძლიერ გუნდებთან ვაგებთ? მე ვფიქრობ, რომ „რომას“ სახით, ძლიერი გუნდი დავამარცხეთ, სწორედ ამ კოლექტივმა შარშან ჩემპიონთა ლიგის 1/2 ფინალში გააღწია.“
- 29 სექტემბერი 2018
- 4238
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
