იგუაინის ინტერვიუ
გონსალო იგუაინი ესპანელ ჟურნალისტებთან ინტერვიუს ჩაწერას დათანხმდა, მან რამდენიმე საინტერესო კითხვას უპასუხა...
თქვენ ახალგაზრდა ფეხბურთელი ხართ, მაგრამ "ბლანკოსის" შეუცვლელ წევრად ითვლებით, რას გრძნობთ?
ეს დიდი ბედნიერებაა. მე რეალში ძალიან პატარა ასაკში მოვედი. ამ გადაწყვეტილებას ბევრი აკრიტიკებდა, ბევრიც მხარს უჭერდა, მაგრამ ჩემი თავის იმედი ყოველთვის მქონდა და მჯეროდა, რომ ესპანურ გიგანტში წარმატებას მივაღწევდი. ჩემი მეგობრები ამაში ძალიან დამეხმარნენ.
ლა ლიგაში უკვე 23 გოლი დაგიგროვდათ, როგორ ფიქრობთ აჯობებთ მესის?
23 გოლი ჩემთვის დიდი შედეგია. მე ვიბრძვი ესპანეთის ჩემპიონატის საუკეთესო ბომბარდირობისათვის, მაგრამ მთავარი მიზანი მაინც გუნდის წარმატებაა და არა "პიჩიჩის" ტიტულის დაუფლება. მესი ჩემი მეგობარია და მიხარია, რომ მასაც შესანიშნავი სეზონი აქვს. ყველაფერს დრო გვიჩვენებს.
როგორ ფიქრობთ, ბარსელონა შარშან უფრო უკეთესად თამაშობდა , ვიდრე წელს?
კატალონიელებს ძალიან ძლიერი გუნდი ჰყავთ. რაც შეეხება შარშანდელთან შედარებას, ამასაც სეზონის ბოლოს ვნახავთ, როდესაც გამოვლინდება პრიმერა დივიზიონისა და ჩემპიონთა ლიგის გამარჯვებული. საერთოდ წინასწარ საუბარი არ მიყვარს.
რამდენი გოლით გინდა ლა ლიგის დასრულება წლევანდელ სეზონში?
მე უკვე 23 გოლის გატანა მოვახერხე. ვფიქრობ თუ გუნდი კარგ ფორმაში იქნება, კიდევ შევძლებ მეტოქეების კარის აღებას. ბედნიერი ვიქნები თუ 32-33 გოლს მოვუყრი თავს.
- 31 მარტი 2010
- 2813
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
