ლოპეტეგი:„გუნდში რამდენიმე ცუდი ინფორმაცია გვაქვს“
„რეალის“ მთავარმა მწვრთნელმა „სევილიასთან“ დაპირისპირების წინ პრესკონფერენცია გამართა...
„„სევილიასთან“ დაპირისპირება დიდი გამოწვევაა, ვინაიდან ამ კოლექტივს რამდენიმე ტაქტიკით და ძალიან ეფექტურად შეუძლია თამაში. ანდალუსიელები ყოველთვის დიდი აგრესიით გადადიან შეტევაში.“
„სანჩეს პისხუანზე ყოველთვის იდეალური ატმოსფერო სუფევს. ჩვენი წარმატების გასაღები მხოლოდ გუნდური და აგრესიული ფეხბურთი იქნება. თუ კომპლექსურად არ ვიასპარეზეთ, შედეგი არ იქნება.“
„გუნდში რამდენიმე ცუდი ამბავი გვაქვს. უეცრად, ისკო ალარკონი საოპერაციო გახდა, ის დაახლოებით 1 თვის მანძილზე ვერ დაგვეხმარება. ასევე გამოგვაკლდა დანიელ კარვახალი, მაგრამ მას ტრავმა არ აქვს. ხვალ დანის თამაში გამორიცხულია, თუმცა უახლოეს მომავალში მოედანზე დაბრუნებას შეძლებს.“
„როდესაც „რეალი“ ჩავიბარე ძალიან კარგად ვაცნობიერებდი, რომ უდიდესი კონკურენციის პირობებში მომიწევდა მუშაობა. ისიც კარგად ვიცოდი, რომ ვიბარებდი გუნდს, რომელსაც ჩემპიონთა ლიგა ზედიზედ სამჯერ ჰქონდა მოგებული და მისგან ყველა კიდევ უფრო მეტს მოელოდა.“
„VAR სისტემა ხშირად დაადგენს ჭეშმარიტებას. მივესალმები ნოვაციას, რომელიც ესპანეთის ლა ლიგაში დაინერგა.“
„ვულოცავ ლუკა მოდრიჩს, მან ნამდვილად დამსახურებულად მიიღო საუკეთესოს ჯილდო. ინდივიდუალური პრიზები ყოველთვის დაფუძვნებულია გუნდის წარმატებაზე, ამიტომ „რეალის“ საოცარმა გამოსვლამ ხორვატის წარმატებას ხელი შეუწყო.“
- 25 სექტემბერი 2018
- 6012
- 13
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
