რამოსი:,,უმთავრესი ფავორიტი ყოველთვის ,,რეალია""
სერხიო რამოსმა „რომასთან“ მატჩის წინ პრესკონფერენცია გამართა...
„ჩვენ შეგვიძლია მარტივად ვთქვათ, რომ მსოფლიოში საუკეთესო კლუბი ვართ. რატომ? იმიტომ, რომ ჩემპიონთა ლიგის მოგება ზედიზედ სამჯერ მოვახერხეთ.“
„გრიზმანი რა თქმა უნდა დიდი მოთამაშეა, მაგრამ მის ხმამაღალ განცხადებას ნამდვილად ვერ დავეთანხმები, ვინაიდან მსოფლიო ჩემპიონატის მოგება პირდაპირ არ უკავშირდება საუკეთესო ფეხბურთელად დასახელებას.“
„მესის განცხადებები გასაგებია, მაგრამ ჩვენ ჩემპიონთა ლიგა ზედიზედ სამჯერ მოვიგეთ, არგენტინელს კი მსგავსი შედეგი არ დაუფიქსირებია, მისი გუნდი ფავორიტია, მაგრამ „რეალზე“ მაღლა ვერ იდგება.“
„ისკომ ჩემპიონთა ლიგის ზედიზედ მესამედ მოგების შემდეგ განაცხადა, რომ „კოპა დელ რეი“ მოენატრა, თუმცა რა თქმა უნდა ეს ყველაფერი ირონიით იყო ნათქვამი, ჩვენთვის უმთავრესი ტიტული ჩემპიონთა ლიგა გახლავთ.“
„ვინიციურ ჟუნიორმა არ უნდა მიიღოს ფსიქოლოგიური ზეწოლა, მასში ძალიან დიდ პერსპექტივას ვხედავ, ამიტომ ყველაფერი ეტაპობრივად უნდა განვითარდეს.“
„კრიშტიანოს გარეშე თამაში აუცილებლად უნდა ვისწავლოთ, მან ეპოქა შექმნა და უამრავი გოლი გაიტანა, ახლა ის „იუვენტუსისთვის“ შეუტევს.“
„VAR სისტემის დანერგვას მივესალმები, სჯობს ტემპი შენელდეს და ჭეშმარიტება დადგინდეს, ვიდრე მსაჯის არასწორმა გადაწყვეტილებამ ყველაფერი შეცვალოს.“
„100%-ით დარწმუნებული ვარ, მადრიდის „რეალს“ ჩემპიონთა ლიგის ზედიზედ მეოთხედ მოგება შეუძლია.“
„დარწმუნებული ვარ, ასენსიო ძალიან დიდ შედეგებს დადებს, მან ჩემპიონთა ლიგის მოგება არაერთხელ მოახერხა, ასევე ბრწყინვალეა ესპანეთში ნაკრებში. მე ვფიქრობ, რომ მარკო ეპოქალური ესპანელი იქნება.“
„ვიცე-კაპიტანი და მესამე, მეოთხე კაპიტნები გუნდში დიდ ავტორიტეტს წარმოადგენენ.“
„„სან მამესზე“ ყაიმი უნდა დავივიწყოთ და „რომასთან“ შეხვედრაში მაქსიმალური მობილიზება ვაჩვენოთ.“
- 18 სექტემბერი 2018
- 5152
- 21
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
