ესპანური ფეხბურთის გრანდმა მისი ყველაზე ძვირადღირებული ფეხბურთელის ორივე ფეხი დააზღვია

მადრიდის რეალმა დაიცვა საკუთარი თავი და მის მიერ ყველაზე ძვირად ნაყიდი ფეხბურთელის ფეხები 100 მლნ. ევროდ დააზღვია, ზუსტად ამდენს მიიღებენ ბლანკოსები , თუ რონალდუს ფეხებს რამე სერიოზული დაემართა.

როგორც გამომცემლობა The World იუწყება, ყოფილი მანჩესტერ იუნაიტედის ფეხბურთელს, რომელშიც მადრიდის რეალმა რეკორდული თანხა გადაიხადა , კლუბში დიდი ნდობა აქვს გამოცხადებული და იმის დასტურად , რომ კლუბისთვის იგი მნიშვნელოვანია , ხელმძღვანელობამ გადაწყვიტა მისი ფეხები 100 მლნ. ევროდ დაეზღვია, კლუბი ამ თანხას მიიღებს იმ შემთხვევაში, თუ რონალდუ ვერ შეძლებს თამაშს.

24 წლის ფეხბურთელმა სერიოზული დარტყმა მიიღო ფეხებში იუვენტუსის წინააღმდეგ მატჩში, რამაც კლუბის ექიმებში შეშფოთება გამოიწვია, მას სასწრაფოდ ჩაუტარეს ყოველგვარი ტესტი, რაც კი არსებობს იმისთვის, რომ საბოლოოდ დარწმუნებულიყვნენ მის ვარგისიანობაში.

წყარო: goal.com