ზიდანი:„„რეალში“ ჩემი შესაძლებლობები ამოწურულია“
ზინედინ ზიდანმა წასვლის შესახებ ოფიციალურად განაცხადა და პრესკონფერენცია გამართა...
„მადრიდის „რეალს“ ვტოვებ. გადაწყვეტილება მიღებულია და ამ ინფორმაციას ოფიციალურად ვადასტურებ. მე ვფიქრობ, რომ სამეფო კლუბს სჭირდება ახალი მწვრთნელი, ახალი იდეებით და ახალი შემართებით. იმისათვის, რომ გუნდი მოწოდების სიმაღლეზე იდგეს, საჭიროა გადახალისება. გადაწყვეტილება მე მეკუთვნის.“
„დიახ, მე მესმის, რომ ბევრ გულშემატკივარს გულს დავწყვიტავ, მაგრამ მერწმუნეთ, გავა დრო და ჩემ გადაწყვეტილებას დააფასებენ.“
„ყველაფერს აქვს დასაწყისი და დასასრული. „რეალში“ გატარებული დრო ჩემთვის ყოველთვის დაუვიწყარი იქნება, მაგრამ უნდა წავიდე, რადგან საჭიროება მოითხოვს.“
„დავრჩებოდი თუ არა „რეალში“ ფინალი რომ წამეგო? შესაძლოა.“
„ფეხბურთელებმა ყველაფერი იციან. მე ვესაუბრე კაპიტნებს და გადაწყვეტილება გავაცანი.“
„მე შევქმენი შესანიშნავი გუნდი, რომელმაც ისტორია შეცვალა, განსაკუთრებით ამის თქმა ჩემპიონთა ლიგაზე შეიძლება. ახლა კი ასპარეზი სხვას უნდა დავუთმო. „რეალი“ ჩემთვის ყოველთვის უპირველესი იქნება.“
„კრიშტიანო? არ ვფიქრობ, რომ ის გუნდს დატოვებს.“
- 31 მაი 2018
- 12214
- 33
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
