რონალდუ ბუნდესლიგელების კოშმარია
ალბათ, ევროპაში თითზე ჩამოსათვლელია იმ გუნდების რაოდენობა, რომელთა წინააღმდეგ კრიშტიანუ რონალდუმ თავის გამოჩენა ვერ მოახერხა.
შუა კვირაში სტარტს აიღებს ჩემპიონთა ლიგის ნახევარფინალური სტადიის პირველი მატჩი და პორტუგალიელი "ალიანც არენას" ეწვევა, სადაც ერთ-ერთ საყვარელ მეტოქეს შეუტევს.ზოგადად ბუნდესლიგის კლუბებთან, "შვიდიანი" 22 მატჩში 26 შედეგიან დარტყმას ითვლის.აქედან, 9 გოლი, არც მეტი არც ნაკლები, "ბაიერნის" კარზე მოდის, რაც ნამდვილად შთამბეჭდავი შედეგია.
გასულ სეზონში, ევროპის ყველაზე პრესტიჟული საკლუბო ტურნირის მეოთხედფინალურ შეხვედრებში, რონალდუმ ხუთჯერ დაამწუხრა "რეკორდმაისტერი," ხოლო წინა წლებში, არანაკლებ სანახობრივი მატჩები აქვს ჩატარებული "შალკესა" და "დორტმუნდის" წინააღმდეგაც.
ბავარიელთა თავკაცი იუპ ჰაინკესი კი, იმედოვნებს, რომ "ოთხშაბათი კრიშტიანუს დღე არ იქნება," თუმცა რამდენად გამართლდება მისი მოლოდინები ვერ გეტყვით, რამეთუ რონალდუს მორიგი რეკორდები აქვს დასამხობი ბებერი კონტინენტის მასშტაბით.
AS
- 23 აპრილი 2018
- 3020
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
