მადრიდის რეალი აგრძელებს მუშაობას, რომ იპოვოს შესაფერისი კანდიდატურა ნახევარდაცვაში, ხოლო ხაბი ალონსო კი მათი ნომერ პირველი კანდიდატურაა. მაგრამ ამასთანავე უნდა აღინიშნოს, რომ მადრიდის რეალსა და ლივერპულს შორის არსებობს გაუგებრობა, რაც აფერხებს 27 წლის ფეხბურთელის ბლანკოსების რიგებში გადმოყვანას.

გაუგებრობა კი გამოწვეულია იმ ფასით, რასაც მერსისაიდელები ითხოვენ ალონსოს სანაცვლოდ. ყოველდღიური გამომცემლობა AS იუწყება, რომ მერსესაიდელები ითხოვენ 40 მლნ. ევროს: 35 მლნ. ევრო ხელზე, ხოლო დანარჩენი 5 მლნ. ევრო კი დამოკიდებული იქნება ესპანელი ნახევარმცველის თამაშის ხარისხზე.

ამასთანავე მადრიდის რეალის პრეზიდენტმა ფლორენტინო პერესმა ლივერპულს შეთავაზება 30 მლნ. ევრომდე გაუზარდა. ეს ის თანხაა, რომლითაც მისი აზრით, ლივერპულელები უნდა დაინტერესდნენ. რამდენიმე დღეში საბოლოოდ გადაწყდება ალონსოს საკითხი და როგორც ჩანს, ეს ყველაზე ხანგრძლივი სატრანსფერო საგაა ამ ზაფხულის განმავლობაში

წყარო: goal.com