ზიდანი:„არსებობს მიზეზი, რატომაც რონალდუმ ბენზემას პენალტი დაუთმო“
ზინედინ ზიდანმა „ალავესის“ განადგურების შემდეგ პრესკონფერენცია გამართა...
„შესანიშნავი მატჩი გამოდგა. მადრიდის „რეალი“ სრულ უპირატესობას ფლობდა და დამსახურებულ გამარჯვებას მიაღწია.“
„ბეილი 100%-ით დაიხარჯა და ბრწყინვალე იყო როგორც წინა ხაზში, ასევე მოედნის ცენტრში. უელსელმა ყველა დავალება პირნათლად შეასრულა.“
„კარიმ ბენზემა და კრიშტიანო რონალდუ მთელი მატჩის მანძილზე ბრწყინვალედ კომბინირებდნენ.“
„არსებობს მიზეზი, რატომაც რონალდუმ ბენზემას პენალტი დაუთმო, ეს მიზეზი ერთსულოვნების გამოვლენაა.“
„BBC-მ კიდევ ერთხელ აჩვენა, რამხელა ძალას წარმოადგენს. გაცილებით მეტი გოლის გატანა შეგვეძლო, მაგრამ შეუძლებელია შედეგით უკმაყოფილოები ვიყოთ.“
„პირველ ნახევარში დაცვაში მცირე ხარვეზები გვქონდა და „ალავესი“ კონტრ-შეტევაზე მწვავედ გადმოდიოდა, თუმცა შესვენების შემდეგ ყველაფერი დალაგდა.“
„მიუხედავად იმისა, რომ ბენზემას უდიდესი წნეხის ქვეშ იმყოფება, ის ყოველთვის ბოლომდე იხარჯება და თანაგუნდელებს დიდ დახმარებას უწევს. ბედნიერი ვარ, რომ ჩემი გუნდია „9“-იანი ფრანგი ფორვარდია.“
„ნდობის მანდატი საკმაოდ ამაღლებულია. „პსჟ“-სთან მატჩის შემდეგ განსაკუთრებულად მოვუმატეთ და ქომაგები მხარდაჭერას გვიცხადებენ, გუნდი პროგრესის გზას ადგას, რაც მნიშვნელოვანია.“
„აღებულ გეზს არ უნდა გადავუხვიოთ. გუნდს გამარჯვებულის მენტალიტეტი ყოველთვის ჰქონდა, მაგრამ არსებობდა გარკვეული პრობლემები, რომელიც აღმოიფხვრა. ახლა ჩვენ ძალიან კონცენტრირებულები ვართ.“
„ბეილმა ითამაშა, როგორც მარცხენა ფლანგზე, ასევე მოედნის ცენტრშიც. მსურდა, რომ უელსელს ამ სივრცეშიც ეასპარეზა. ვფიქრობ, ის ძალიან პროდუქტიული იყო.“
„ბენზემას გამარჯვების მენტალიტეტი აქვს, ის ყველაზე რთულ მომენტებშიც კი მოწოდების სიმაღლეზე დგას და ფეხბურთის გარდა არაფერს ფიქრობს. მისთვის კრიტიკა ჩვეულებრივი მოვლენაა.“
„გასახდელში შესანიშნავი სიტუაცია გვაქვს. პრობლემების მიუხედავად ოპტიმიზმი არავის დაუკარგავს, ჩვენ ერთსულოვანი კოლექტივი ვართ.“
- 24 თებერვალი 2018
- 6839
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
