ზინედინ ზიდანმა „პსჟ“-სთან მატჩის შემდეგ პრესკონფერენცია გამართა...

„ბედნიერი ვარ, რადგან გუნდმა ისე ითამაშა, როგორც დავავალე. ბურთი გვეჭირა, მწვავედ ვუტევდით და კონცენტრაციას არ ვკარგავდით.“

„პირველიდან ბოლო წუთებამდე გულშემატკივართა უდიდეს მხარდაჭერას ვგრძნობდით, რისთვისაც მათ უდიდეს მადლობას ვუხდით.“

„„რეალმა“ დამსახურებულად მოიგო. არაერთი მწვავე მომენტი შევქმენით, მაგრამ რიგ ეპიზოდებში არ გაგვიმართლა. „პსჟ“-ს ფეხბურთელთა განცხადებები და პროტესტი მსაჯთა მიმართ სასაცილოა.“

„რონალდუმ დღეს კიდევ ერთხელ დაამტკიცა, რომ მსოფლიოში საუკეთესოა. პორტუგალიელი ფეხბურთელი ყოველთვის ასოცირდება მნიშვნელოვან გოლებთან.“

„პარიზში დიდ მატჩს ველი. 3-1 კარგი შედეგია, მაგრამ არაფერი გადაწყვეტილა. დარწმუნებული ვარ, უნეი ემერის გუნდი პირველივე წუთებიდან ეცდება სიტუაციის გამოსწორებას.“

„ისკომ ფენომენალური სამუშაო ჩაატარა, ის ბურთს შესანიშნავად იჭერდა ცენტრში და გუნდს უდიდესი დახმარება გაუწია. ესპანელი ფეხბურთელის კლასი მართლაც რომ შეუფასებელი გახლავთ.“

„ცვლილებები? გოლი გვჭირდებოდა და შეტევა გავაძლიერეთ, რამაც შედეგი გამოიღო.“

„მარსელო მსოფლიოს ერთ-ერთი საუკეთესო ფეხბურთელია. ბრაზილიელი ნებისმიერი კოლეგისთვის სამაგალითოა.“

„არბიტრები? ეს თემა უკვე განვიხილეთ.“������� dle 10.1������� ������� ������