ზიდანი:„სჯობს, ბენზემამ ნერვები მოთოკოს“
ზინედინ ზიდანმა „ვალენსიასთან“ გამარჯვების შემდეგ პრესკონფერენცია გამართა...
„ყველა ფეხბურთელს მივულოცე, ვინაიდან მათ შესანიშნავი გამარჯვება დააფიქსირეს. „ვალენსიასთან“ გამარჯვება აუცილებელი იყო, როგორც სატურნირო, ასევე ფსიქოლოგიური თვალსაზრისით. საერთო ჯამში უპირატესობა გვქონდა, რომელიც გამოვიყენეთ.“
„პირველ ტაიმში შესანიშნავად ვითამაშეთ, მეორე ნახევარი კი ჩავაგდეთ, მაგრამ მატჩის მიწურულს გაცილებით ეფექტურები ვიყავით.“
„კეილორ ნავასმა რამდენჯერმე ბრწყინვალე „სეივი“ გვიჩვენა, მან გამარჯვებაში უდიდესი წვლილი შეიტანა.“
„კარიმ ბენზემას უკმაყოფილება? მე მას ვურჩევ, რომ ნერვები მოთოკოს , თუ ამას არ გააკეთებს, ის იზარალებს და ბუნებრივია, მისი ცუდ მდგომარეობაში ყოფნა გუნდზე აისახება. ის „რეალში“ თავს ყოველთვის ბედნიერად უნდა გრძნობდეს. შეცვლაზე უკმაყოფილებას ხშირ შემთხვევაში გამოხატავენ.“
„ცვლილებები აუცილებელი იყო. მარკო ასენსიო და ლუკას ვასკესი თამაშში აქტიურად ჩაერთვნენ, რასაც გოლებიც მოჰყვა.“
- 27 იანვარი 2018
- 8144
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.