ზიდანი:„ნეიმარი მთელ პლანეტას უყვარს, მასთან თამაში კომფორტია“
ზიდანმა „დეპორტივოსთან“ დაპირისპირებამდე პრესკონფერენცია გამართა...
„ჩვენ არ უნდა შეგვაცდინოს „დეპორტივოს“ სატურნირო მდგომარეობამ. ეს მართლაც დიდი გამოცდილების და კარგად დაკომპლექტებული გუნდია, ამიტომ უნდა ავირჩიოთ ჩვენი გზა და მაქსიმალურად ვეცადოთ, გამარჯვებას მივაღწიოთ.“
„თითოეული მატჩის მოსაგებად ვიბრძოლებთ, ჩვენ გვაქვს იდეა, რომელიც უნდა განვახორციელოთ.“
„ნეიმარი? ეს ფეხბურთელი პლანეტაზე ყველას უყვარს, მასთან ერთად თამაშზე ნებისმიერი იოცნებებდა, თუმცა არ შემიძლია იმ ფეხბურთელებზე საუბარი, რომლებიც „რეალს“ არ ეკუთვნიან.“
„უნდა ვაჩვენოთ ვინ ვართ და რა შეგვიძლია.“
„ბერნაბეუს პუბლიკის პატივისცემა? ზოგიერთი ფიქრობს, რომ მე ავტორიტეტი აღარ მაქვს, მაგრამ ამ მოსაზრებას ნამდვილად ვერ დავეთანხმები, ამის თქმის საფუძველს ჩემი საფეხბურთო და სამწვრთნელო კარიერა მაძლევს.“
„სერხიო რამოსის აღდგენითი პროცესი კარგად მიმდინარეობს, ის ლაკორუნიელთა წინააღმდეგ არ ითამაშებს, შემდეგ კი შემოგვიერთდება და ინტენსიურ რეჟიმზე გადავა.“
„ბეილს, რონალდუს და ბენზემას სულ მალე მიეცემათ მოედანზე ერთად გასვლის საშუალება, რაც ძალიან ბევრს ნიშნავს.“
„კრიტიკა და შეტყობინებები, რომელიც ბენზემას მიმართ ისმის უსამართლო და უსაფუძვლოა. ფრანგი ყოველთვის ცდილობს მაქსიმუმი გაიღოს „ბლანკოსის“ წარმატებისთვის.“
„მიმდინარე სატრანსფერო ფანჯარაზე არავისთან არ ვაპირებთ კონტრაქტზე ხელის მოწერას, ზაფხულის გეგმებზე კი რამდენიმე თვეში ვისაუბროთ.“
- 20 იანვარი 2018
- 4832
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
