მადრიდის რეალის თავდამსხმელი გონსალო იგუაინი განიცდის ეროვნულ ნაკრებში სათამაშო პრაქტიკის უქონლობას და როგორც იგი So Foot –სთვის მიცემულ ინტერვიუში აღნიშნავს , იმ შემთხვევაში, თუ დიეგო მარადონა გააგრძელებს მის იგნორირებას, იგი მიმართავს საფრანგეთის მთავრობას მოქალაქეობის მისაღებად თამაშის საფრანგეთის ეროვნულ ნაკრებში გასაგრძელებლად.

მიუხედავად პიპიტას მიერ ჩატარებული შესანიშნავი სეზონისა და იმისა, რომ მან ბლანკოსების რიგებში ნათამაშებ 34 შეხვედრაში მოახერხა 22 გოლის გატანა, ეს საკმარისი არ აღმოჩნდა არგენტინის ეროვნული ნაკრების მთავარი მწვრთნელისთვის, რომ იგი ნაკრებში გამოეძახებინა.

"მე დღე და ღამ ვმუშაობ იმისთვის, რომ მარადონას მოწონება დავიმსახურო, მინდა 2010 წლის მსოფლიო ჩემპიონატზე თამაში და ამის მისაღწევად თავს არ დავზოგავ. მე იმედი არ დამიკარგავს"

მიუხედავად იგუაინის არგენტინის მიმართ სიყვარულისა , ის დაიბადა საფრანგეთში– ბესტში, ამიტომ ფეხბურთელი უკიდურეს შემთხვევაში არ გამორიცხავს , რომ მან შესაძლოა 2010 წლის მსოფლიო ჩემპიონატზე საფრანგეთის ეროვნული ნაკრების ფორმა მოირგოს.

წყარო: goal.com