რამოსი;„როდესაც რონალდუ „რეალიდან“ წავა, მას ასენსიო და კოვაჩიჩი შეცვლიან“
სერხიო რამოსმა მადრიდის „რეალის“ მომავალზე, ასაკის მატებასა და კრიშტიანო რონალდუს ფაქტორზე ისაუბრა...
„ბუნებრივი პროცესია, როდესაც ფეხბურთელებს ასაკი ემატებათ და მათი ჩანაცვლება ხდება. საბედნიეროდ, წლების წინ ფლორენტინო პერესმა შესანიშნავი პროექტი წამოიწყო, რომელმაც უდიდესი შედეგი გამოიღო და დღეს „რეალი“ ჩემპიონთა ლიგის გაცილებით მეტ თასს ფლობს.“
„შევიძინეთ რონალდუ, კაკა, ბენზემა, ალონსო და სხვები. ისინი ძალიან ახალგაზრდები იყვნენ, თუმცა უდიდესი გამოცდილება უმაგრებდათ ზურგს. ამ ეტაპზე ყველა ზემოხსენებული ასაკშია, რამდენიმე კი საერთოდ აღარ არის „რეალში“.“
„მოვა დრო, როდესაც გუნდში აღარც მე ვითამაშებ, აღარც რონალდუ, მაგრამ კოლექტივს იმდენად ნიჭიერი ახალგაზრდები ჰყავს, რომ პრობლემები არ შეიქმნება.“
„კრიშტიანო რონალდუს შეცვლიან ისეთი ფეხბურთელები, როგორებიც ასენსიო, კოვაჩიჩი და სხვები არიან. ჩვენ ძალიან დიდ ახალგაზრდულ რესურსს ვფლობთ, ეს ფეხბურთელები წლიდან წლამდე მნიშვნელოვნად ვითარდებიან.“
- 6 აგვისტო 2017
- 6622
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
