„რეალი“ ყოველდღიურად სუსტდება
ესპანური გამოცემები აქტიურად მიუთითებენ, რომ მადრიდის „რეალი“ ყოველდღურად სუსტდება და 31 აგვისტომდე მნიშვნელოვან ტრანსფერებს საჭიროებს...
დედაქალაქური კლუბი დატოვა მარიანომ, პეპემ, კოენტრაუმ, დანილო, ხამესმა და მორატამ. ყველა ეთანხმება იმ აზრს, რომ თითოეულ მათგანს ნებისმიერი სოლიდური კლუბი ინატრებდა.
სამაგიეროდ გუნდში მოვიდნენ ვალიეხო, სებალიოსი, ბორხა მაიორალი და ტეო ერნანდესი, მაგრამ აუცილებლად უნდა აღინიშნოს, რომ არცერთს არ აქვს სათანადო გამოცდილება და რთული გზის გავლა მოუწევს.
„მარკა“-ს აზრით, ხამეს როდრიგესის და მორატას დანაკლისის აღმოფხვრა ურთულესი იქნება. პირველ შემთხვევაში გუნდს ძალიან არ უნდა გაუჭირდეს, ვინაიდან კოვაჩიჩი, ისკო და ასენსიო ჰყავს, თუმცა მორატას შემცვლელი ნამდვილად საჭიროა, ბორხა მაიორალის და ესპანელი წინახაზელის შედარება ნამდვილად არ შეიძლება.
ესპანურ გამოცემებზე დაყრდნობით, ტრანსფერები გარდაუვალია, „ბლანკოსმა“ ხამესის, მორატას, დანილოს და სხვების გაყიდვით ბიუჯეტი შეავსო, ახლა კი დროა ადმინისტრაცია ხარჯვით ნაწილზე გადავიდეს.
- 23 ივლისი 2017
- 7161
- 25
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
