მადრიდის "რეალის" პორტუგალიელმა ვარსკვლავმა, გუშინდელი გამარჯვება კუნძულ მადეირას მიუძღვნა.

"მადეირა არის კუნძული, სადაც მე დავიბადე და გავიზარდე. იქ ცხოვრობს ჩემი ოჯახი. როდესაც რეპორტაჟს ვუყურე, თვალებს არ ვუჯერებდი, ძალიან ვნერვიულობ და ყველანაირად ვეცდები ამ კუნძულზე მცხოვრებ ხალხს დავეხმარო."

"რაც შეეხება გუშინდელ მატჩს, გუნდმა შესანიშნავად ითამაშა და მთავარია რომ გულშემატკივარი გავახარეთ. ეს გამარჯვება ძალიან მნიშვნელოვანი იყო. დარწმუნებული ვარ, რომ "ლიონს" დავამარცხებთ."

"ლიონში განცდილი მარცხი უკვე წარსულს ჩაბარდა. ახლა მთავარია მომდევნო მატჩზე ვიფიქროთ. გუშინ ძალიან კარგად ვითამაშეთ და ახლა არ უნდა ვიფიქროთ, თუ რა მოხდა საფრანგეთში. "

"იგუაინის გვერდით თამაში ძალიან სასიამოვნოა. გუშინ შესანიშნავი კომპინაცია გავითამაშეთ, რომელიც გონსალომ ბრწყინვალედ დაასრულა. მადრიდის "რეალი" ყოველთვის ასეთი სტილის ფეხბურთს ითამაშებს."

"როდესაც შეხვედრას ვატარებ ყოველთვის მოტივირებული ვარ და ვცდილობ გუნდს დავეხმარო. მადლობა ღმერთს, რომ გუშინდელი მატჩი საკმაოდ კარგი გამოდგა სამეფო კლუბისთვის."