ეზეკილ გარაი ძალიან კარგად გამოიყურება მადრიდის რეალში, მან სათანადოდ შეცვალა პორტუგალიელი პეპე და ნელ-ნელა იმკვიდრებს ადგილს ძირითად შემადგენლობაში.

"ლა ლიგა ჩვენთვის უმნიშვნელოვანესი ტურნირია და ვილიარეალთან მხოლოდ მოგება დაგვაკმაყოფილებს, გამარჯვება გუნდს დაეხმარება ფსიქოლოგიური თვალსაზრისით, ჩემპიონთა ლიგაზე განცდილი მარცხის შემდეგ."

"ყველა მატჩს ერთნაირი პასუხისმგებლობით უნდა მოვეკიდოთ იქნება ეს ევრო ტურნირი თუ შიდა ჩემპიონატი. ჩვენ ძალიან მოტივირებულნი ვართ და გვინდა ლა ლიგას სათავეში მოვექცეთ. ჩემი სურვილია ბარსელონამ იცოდეს, რომ მას უკან მადრიდის რეალი მოსდევს და არაფრის დათმობას არ აპირებს!"

"დაცვის ცენტრი ძალიან კარგად გამოიყურება, რაც გუნდს მშვიდად ყოფნის საშუალებას და შეტევაში უფრო თავისუფლად მოქმედების საშუალებას აძლევს."

"ლიონთან ძალიან ცუდი მატჩი ჩავატარეთ, მაგრამ არ დაგვავიწყდეს რომ განმეორებითი მატჩი ბერნაბეუზე გაიმართება და 90 წუთის განმავლობაში გულშემატკივრების დახმარებით მეტოქეს ძალიან დიდ პრობლემებს შევუქმნით. მადრიდის რეალი აუცილებლად ითამაშებს ჩემპიონთა ლიგის მეოთხედფინალში."