სერხიო რამოსმა ესპანურ გაზეთ El Mundo-სთან ისაუბრა ჩემპიონთა ლიგაზე. ასევე მან კომენტარი გააკეთა პეპეს ადგილის დაკავებაზეც.

"ძალიან მნიშვნელოვანია ის, რომ ჩემპიონთა ლიგის ფინალი ბერნაბეუზე და არ მადარდებს ვინ იქნება ჩვენი მეტოქე, მთავარია ფინალში გავიდეთ და მოწინააღმდეგე "ბარსელონაც" რომ იყოს, მათ დამარცხებას ადვილად მოვახერხებთ."

"როგორც იცით, ახლა პეპეს ადგილი დავიკავე. ერთადერთი, რითაც არ მომწონს ეს პოზიცია, ის არის, რომ შეტევაში ვერ მივდივარ და ძირითადად დაცვაზე ვარ ორიენტირებული."

"ხაბი ალონსო, ლასი და გრანერო ნახევარ დაცვაში ძალიან დიდ სამუშაოს ასრულებენ და მათ უკან თამაში მე ძალიან მსიამოვნებს. ისინი ხშირად მოწიააღმდეგე გუნდის შეტევას მათსავე ნახევარზე ასრულებენ და დაცვას სამუშაოს უმსუბუქებენ."

"სამი ნახევარმცველით თამაში ძალიან კარგად გამოგვდის. გრანეროს ფლანგზე თამაში სამეფო კლუბს ძალიან ეხმარება. ესტებანი ნიჭიერი ფეხბურთელია, იგი გუნდს ბურთის გაკონტროლებაში ეხმარება, ასევე მას აქვს ძალიან კარგი, გამოზომილი პასი. მე ვთვლი, რომ ბექჰემის შემდეგ ასეთი სტილის ფეხბურთელი არ გვყოლია."

"მე ყველაფერს გავაკეთებ სამეფო კლუბის წარმატებისთვის. ვფიქრობ მომავალში უფრო კარგად ვითამაშებ."