ზიზუ პერესს შეხვდა
მადრიდის „რეალის“ მწვრთნელსა და პრეზიდენტს შორის შეხვედრა შედგა, სადაც მხარეებმა სამომავლო გეგმებზე ისაუბრეს...
ზიდანი ზაფხულში გარკვეულ გარდაქმნებს გეგმავს და თვლის, რომ კოლექტივის ამჟამინდელმა შემადგენლობამ რესურსი თითქმის ამოწურა და საჭიროა ახალი სისხლი, ახალი შემართება და ახალი მიზნების დასახვა.
გამომდინარე იქედან, რომ გასული ზაფხულის სატრანსფერო ბაზარზე პერესს არ უაქტიურია, მომდევნო ზაფხული საკმაოდ „ცხელი“ უნდა გამოდგეს.
ზიზუს რამდენიმე ფავორიტი ჰყავს, მათ შორის არის მარკო ვერატი, რომელიც საფრანგეთის ჩემპიონატში ბრწყინავს. ასევე მიდის საუბრები დე ბრუინზე. რატომ ნახევარმცველები? იმიტომ, რომ ისკო ალარკონსა და ხამეს როდრიგესს აბარგებას უწინასწარმეტყველებენ.
ასევე ვრცელდება ინფორმაცია, რომ ზიდანს ხესუს ვალიეხოსთან დაკავშირებითაც აქვს გადაწყვეტილები მიღებული და ცენტრალური მცველი „ბლანკოსს“ დაუბრუნდება.
ასევე ვრცელდება ინფორმაცია, რომ ზინედინი მარსელო ვიეირას ალტერნატივაზეც ფიქრობს და ფაბიო კოენტრაუს გაყიდვა აქვს ჩაფიქრებული.
- 1 მარტი 2017
- 5022
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
