მადრიდის რეალის საკალათბურთო გუნდმა 2010 წელს ყველა მატჩი მოიგო. "ბლანკოსის" მორიგი მსხვერპლი მალაგას უნიკახა გახდა.

თამაში თავიდანვე მადრიდელთა უპირატესობით დაიწყო და მთელი მატჩის განმავლობაში ისინი მხოლოდ ერთხელ აგებდნენ, ისიც ერთი ქულით, თუმცა დედაქალაქელებმა მალევე მოახერხეს სტატუს კვოს აღდგენა და მატჩში საბოლოო შედეგი 84-67 დაფიქსირეს. აღსანიშნავია ის ფაქტიც, რომ მადრიდის რეალმა 1 კვირაში მოახერხა ევროლიგის ორი ფავორიტის დამარცხება. მატჩის საუკეთესო კალათბურთელად კი მადრიდელი ველიკოვიჩი დასახელდა.

როგორც ჩანს ფლორენტინო პერესმა მადრისის რეალის სრული ტრანსფორმაცია განიზრახა და ამას შესანიშნავად ახერხებს კიდეც. მან ფეხბურთის გუნდში მოიყვანა მაღლკვალიფიციური ფეხბურთელები, რომლებიც ქმნიან ახალ ისტორიას სამეფო კლუბში, მაგრამ ესპანელმა ბიზნესმენმა არც ის დაივიწყა, რომ ბლანკოსს საკალათბურთო გუნდიც ჰყავს და აქაც დიდი ცვლილებები შეიტანა, რის შედეგადაც მადრიდის რეალის გულშემატკივრებს შეუძლიათ სიამოვნებით ადევნონ თვალი, როგორც კალათბურთს, ასევე ფეხბურთს.