გუშინ გაიმართა ლა ლიგის მეორე წრის პირველი მატჩები (20-ე ტური).

ლა ლიგის სათავეში მყოფმა "ბარსელონამ" გუშინ გასვლაზე ხიხონის "სპორტინგი" დაამარცხა, ანგარიშით 0-1. კატალონიელები გამარჯვებას პედროს უნდა უმადლოდნენ, რომელმაც პირველ ტაიმში გახსნა ანგარიში. თუმცა დარჩენილ დროში ვერცერთი გუნდის ფეხბურთელმა გოლის გატანა ვერ მოახერხა და "ბარსელონამ" მორიგი სამი ქულა მიითვალა.

რაც შეეხემა მადრიდის "რეალს", მათაც ლა კორუნიაში გასვლითი მატჩი ჩაატარეს და მასპინძლები, ანგარიშით 1-3 დაამარცხეს. მთელი მატჩის განმავლობაში უპირატესობა სამეფო კლუბის ფეხბურთელებს ჰქონდათ. პირველი გოლი მე-13 წუთზე ესტებან გრანერომ გაიტანა, ხოლო პირველი ტაიმის მიწურულს 40-ე წუთზე შესანიშნავი კომბინაციით, ფრანგმა ფორვარდმა, კარიმ ბენზემამ ანგარიში ორ ბურთამდე გაზარდა, თუმცა გოლზე მეტად აღსანიშნავია გუტის გასაოცარი პასი ქუსლით. მეორე ტამში კი იკერ კასილასის კარში პენალი დაინიშნა. მადრიდელთა მეკარემ რიკის ჩანაფიქრი გამოიცნო, თუმცა გოლი მაინც გაუშვა. სამ წუთში კი ბენზემამ დუბლი გაიფორმა და მადრიდელებმა 18 წლიანი პაუზის შემდეგ, რაისორზე პირველად გაიმარჯვეს.