მადრიდის "რეალის" ლეგენდამ, რაულ გონსალეს ბლანკომ განაცხადა, რომ ნოუ კამპზე გოლების გატანა და მთელი სტადიონის გაჩუმება მისთვის საუკეთესო შეგრძნება იყო.

"ჩემთვის ყველაზე სასიამოვნო ის იყო, რომ ნოუ კამპზე ვახერხებდი გოლების გატანას, რა დროსაც მოწინააღმდეგე გუნდის ფანები ჩუმდებოდნენ. მიუხედავად ამისა, "ბარსელონას" ფეხბურთელებთან მეგობრული ურთიერთობა მქონდა და ახლაც მაქვს. აგრეთვე დიდ პატივს ვცემ კატალონიური გრანდის გულშემატკივრებს."

"ჩემი ერთ-ერთი საუკეთესო მეგობარი კარლეს პუიოლია. მასთან ერთად დიდი ხანია მოვდივარ და გვაქვს ძალიან ახლო ურთიერთობა. ბევრჯერ შევხვედრივართ ერთმანეთს და ორივენი ჩვენი მხრივ ვცდილობდით საკუთარი გუნდების დახმარებას. ის მცველი იყო, მე ფორვარდი შესაბამისად, ინდივიდუალური ორთაბრძოლებიც ხშირად გვქონია. ამავდროულად ნაკრებშიც ერთად გამოვდიოდით და ძალიან ბევრი სასიამოვნო ფაქტი მახსენდება პუიოლთან დაკავშირებით."

"კარგად მახსოვს "ბარსელონასთან" განცდილი მარცხი (2-6). მაშინ ხუან დე რამოსი იყო ჩვენი მთავარი მწვრთნელი და გადამწყვეტ მომენტში დიდი ანგარიშით დავთმეთ შეხვედრა. ერთ-ერთი ყველაზე დასამახსოვრებელი მომენტი ჩემს ცხოვრებაში იყო სანტიაგო ბერნაბეუზე, ჩემპიონთა ლიგის ნახევარფინაში გატანილი გოლი შორი დისტანციიდან."

Bernabeudigital.com������� dle 10.1������� ������� ������