დელ პიერო:„ზიდანმა „რეალი“ მენტალურად გააძლიერა“
ლეგენდარულმა იტალიელმა ფეხბურთელმა, ალექს დელ პიერომ საინტერესო საკითხებზე ისაუბრა...
„ყველა ჩემპიონატში ვითარება დაძაბულია, რაც ფეხბურთს გაცილებით უფრო საინტერესოს ხდის. ესპანეთის ლა ლიგაში 1 თვის წინ ინტრიგა აღარ არსებობდა, ვინაიდან კატალონიის „ბარსელონას“ ძალიან დიდი უპირატესობა ჰქონდა. ლუის ენრიკეს გუნდმა მიყოლებით რამდენიმე დაპირისპირება წააგო და შედეგიც სახეზეა. დღეის მდგომარეობით, „ატლეტიკოსა“ და „ბლაუგრანას“ შორის ქულათა სხვაობა აღარ არსებობს, „რეალი“ კი მხოლოდ 1 ქულით არის უკან.“
„ზინედინ ზიდანი ბრწყინვალე მწვრთნელია, რომელსაც მყარი ფსიქოლოგია აქვს, ეს კი გუნდის წარმატების საწინდარია. ფრანგმა ფეხბურთელმა რამდენიმე თვეში მოახერხა ის, რასაც ბევრი წლების მანძილზე ვერ ახერხებს. ზიზუმ გუნდი მენტალურად გააძლიერა, ფეხბურთელებს მეტი მოთხოვნა წაუყენა და მართლაც საოცარი შედეგები მიიღო.“
„არ გამოვრიცხავ, ესპანური ფინალი განმეორდეს, თუმცა „სიტის“ და მიუნხენის „ბაიერნს“ დიდი შანსები აქვთ.“
- 19 აპრილი 2016
- 2607
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
