"ლევანტესთან" მოპოვებული 3 ქულის შემდეგ, ზინედინ ზიდანმა განაცხადა, რომ იგი სამეფო კლუბის თითოეული ფეხბურთელს თამაშით კმაყოფილი არის.

"კმაყოფილი ვარ ყველას თამაშით. ფეხბურთელები მაქსიმალურად გაისარჯნენ და გუნდურად ითამაშეს, რის შედეგადაც გამარჯვება მოვიპოვეთ. საინტერესო მატჩი გვქონდა. ახლა უკვე ვფიქრობ იმაზე, თუ ვინ ითამაშებს "სელტას" წინააღმდეგ ძირითად შემადგენლობაში."

"ვეცდები როტაციას ხშირად მივმართო ლა ლიგაში, რადგან გუნდში არიან ფეხბურთელები, რომლებიც იშვიათად გამოდიან მინდორზე. დღეს სწორედ ასე მოვიქეცი და ძირითადში დავაყენე მოთამაშეები, რომელთაც დიდი დროის გატარება უწევთ სათადარიგოთა სკამზე. ასეთ დროს ყოველთვის ყველაფერი რთულდება, თუმცა დღეს სირთულეებს არ წავაწყდით."

"მინდორზეც და მის ფარგლებს გარეთაც ვცდილობ მაქსიმალურად კონცენტრირებული ვიყო და ჩემს ფეხბურთელებსაც ამისკენ მოვუწოდებ. შანსს აგრეთვე აკადემიის ფეხბურთელებსაც მივცემ. ეს იქნება დამატებითი მოტივაცია ამ დროს, რაც მეტოქეს დამატებით საფრთხეს შეუქმნის."

"მინდა აღვნიშნო ლუკას ვასკესის თამაში. იგი ძალიან სწრაფია და აკეთებს დიდ სამუშაოს. ფლანგზე შეტევაშიც დამაკმაყოფილებელია და აგრეთვე დაცვაშიც ახერხებს თანაგუნდელების დახმარებას. ეს ძალიან დასაფასებელია."

"ამ ეტაპზე ძალიან მნისშვნელოვანია ბორხა მაიორალის გაზრდა პროფესიული თვალსაზრისით, რადგან იგი ძალიან ახალგაზრდაა და უკვე სამეფო კლუბის მეორე ცენტრ-ფორვარდის პოზიციას ირგებს."

Realmadrid.com������� dle 10.1������� ������� ������